Qazaqstandyq dıplomattar men ózbek sarapshylary referendým máselesin talqylady
2022 jylǵy 17 mamyr 22:03

Qazaqstandyq dıplomattar men ózbek sarapshylary referendým máselesin talqylady

TAShKENT. QazAqparat – Qazaqstan Elshiligi ótkizgen respýblıkalyq referendýmǵa arnalǵan dóńgelek ústelge qatysýshylar eldegi saıası reformalardy talqylady, dep habarlaıdy QazAqparat menshikti tilshisi.

Óz sózinde Qazaqstannyń Ózbekstandaǵy Elshisi Darhan Satybaldy aldaǵy referendýmnyń mańyzyn atap ótti.

«Konstıtýtsııalyq reformalar «sýperprezıdenttik» basqarý formasynan yqpaldy Parlamenti men esep beretin Úkimeti bar prezıdenttik respýblıkaǵa túpkilikti kóshýdi bekitýge, búkil memlekettik modeldi transformatsııalaýǵa, bılik tarmaqtary arasyndaǵy ózara qarym-qatynastyń ońtaıly teńgerimin qalyptastyrýǵa, memleket pen qoǵamnyń tıimdi dıalogyn qurýǵa arnalǵan», - dedi dıplomat.

Professor Zakır Ýsmanov Jańa Qazaqstannyń qurylýyna baǵyttalǵan aldaǵy transformatsııalarǵa oń baǵa berip, qoǵamdy demokratııalandyrý jolyndaǵy basty mindet –demokratııalyq reformalardy odan ári ilgeriletý, eldiń saıası, áleýmettik-ekonomıkalyq jáne mádenı damýy úshin Konstıtýtsııany jetildirý ekenin atap ótti.

«Bilim kerýeni» memlekettik emes ǵylymı mekemesiniń basshysy Farhod Tolıpov Qazaqstan men Ózbekstan arasyndaǵy dıplomatııalyq qarym-qatynastardyń ornaǵanyna 30 jyl tolýyna arnalǵan baıandamasynda barlyq deńgeılerde qarqyndy damyp kele jatqan ekijaqty qatynastardyń damýynyń mańyzdy aspektilerin atap ótti.

Ózbekstandyq sarapshylar qazaqstandyq qoǵamdy odan ári ilgeriletýdiń basty faktory retinde toptastyrý maqsatyn qoldaıtynyn bildirdi. Sondaı-aq, qatysýshylar ekijaqty yntymaqtastyqtyń jaı-kúıi men keleshgin talqylap, Qazaqstan men Ózbekstan arasyndaǵy ózara is-qımyldy keńeıtýdiń jańa baǵyttaryn belgiledi.


Uqsas jańalyqtar

Jańalyqtar

MURAǴAT