Qazaqstandyq dıplomattar dárigerlerge qoldaý kórsetedi

NUR SULTAN. QazAqparat - QR Syrtqy ister mınıstrligi Qazaqstandaǵy koronavırýs epıdemııasymen kúreske baılanysty bastama kóterdi, dep habarlaıdy QazAqparat SІM Facebook-tegi paraqshasyna silteme jasap.

Uqsas jańalyqtar

COVID-2019: Álemdegi ahýal qandaı

Koronavırýstyń kúzdegi jańa tolqyny: Daıyndyq qandaı Aýrýhanalardaǵy oryn 60 paıyzǵa bosady – Densaýlyq mınıstrligi Koronavırýs: 70 naýqas ókpeni jasandy jeldetý apparatyna qosyldy

Syrtqy ister mınıstrliginiń ókili Aıbek Smadııarov atap ótkendeı, koronavırýs pandemııasy ómirimizge kenetten kelip, búkil álemge tez tarady. 500 myńnan astam adamnyń ómirin alyp ketti jáne ǵalamshar turǵyndarynyń densaýlyǵy men ál-aýqatyna zor zııan keltirdi.

Bizdiń elimiz de kúrdeli kezeńdi bastan ótkerýde, otandyq densaýlyq saqtaý júıesi óz múmkindigi sheginde jumys isteýde. Dárigerler men medıtsına qyzmetkerleri kún saıyn ózderiniń kásibı jáne azamattyq boryshyn adal oryndap, vırýs juqtyrý qaýpine ushyraıdy. Mundaı sátterde yntymaqtastyq pen adamdardy ózara qoldaý mańyzdy.

Prezıdent Qasym-Jomart Toqaevtyń koronavırýsqa qarsy ultty jumyla kúresýge shaqyrǵan úndeýin jáne 13 shilde kúnin pandemııanyń qurbany bolǵan qazaqstandyqtardy jalpyulttyq aza tutý kúni dep jarııalaý týraly sheshimin qoldaı otyryp, Syrtqy ister mınıstrliginiń ujymy otandyq medıtsına muqtajdyqtary úshin shetelden medıtsınalyq jabdyqtar, dári-dármek jáne jeke qorǵaný quraldaryn satyp alý úshin qyzmetkerlerdiń jalaqysynan erikti negizde qarajat jınaýdy sheshti.

Sonymen qatar, Qazaqstandyq dıplomattar birlestigi óz múshelerin volonterlik qyzmetke belsendi qatysýǵa shaqyrdy jáne olardy bizdiń medıkterge praktıkalyq kómek kórsetý úshin jiberýge daıyn.

Bul bastamalar epıdemııaǵa qarsy bizdiń jalpy kúresimizge óz úlesin qosady dep úmittenemiz.