+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Qazaqstandyq derekti fılm úsh birdeı bedeldi halyqaralyq festıvalge qatysady

2020 jylǵy 24 mamyr 22:18
Bólisińiz:
Qazaqstandyq derekti fılm úsh birdeı bedeldi halyqaralyq festıvalge qatysady

NUR-SULTAN. QazAqparat - Rejısser Baný Ramazanovanyń «Kedergilerdi jeńý» derekti fılmi úsh birdeı bedeldi halyqaralyq festıvalge qatysady. Bul jóninde «Qazaqfılm» kınostýdııasyna silteme jasap QazAqparat habarlaıdy.

QR Mádenıet jáne sport mınıstrliginiń tapysyrysymen «Qazaqfılm» kınostýdııasynda túsirilgen derektiń fılmniń jelisi 1952 jyly Jambyl mańyndaǵy Lýgovoı jylqy zaýytynda týǵan Sovet zamanyndaǵy jylqy sportynyń ańyzy bolǵan «Absent» aqaltekesi jáne táýelsiz Qazaqstandaǵy konkýrdyń jaǵdaıyn baıandaıdy.

«Kedergilerdi jeńý» fılmi meniń júregimde erekshe oryn alady. Meniń debıýttik jumysym bolǵandyqtan ǵana emes, bir jyl boıy jumys istegen fılmniń arqasynda tamasha adamdarmen – bizdiń keıipkerlerimizben tanysqanym úshin de ystyq. Biz olardyń qalaı at tańdaǵanyna, jylqylar aýyrǵan kezde qalaı ýaıymdaǵanyna, tórt jyldan artyq ótkizilmegen Qazaqstandaǵy Álem kýbogy kezeńine daıyndyǵyna jáne jetistikterine qalaı qýanǵanyna kýá boldyq» ,- deıdi fılmniń rejısseri Baný Ramazanova.

Onyń aıtýynsha, biz qazir fılmdegideı, koronavırýstyń taralýyna baılanysty kedergilerdi jeńip jatyrmyz.

«COVID-19 barlyq salada, atap aıtqanda kınoındýstrııada aıtarlyqtaı kedergiler týǵyzyp otyr. Fılmimizdi usynǵan kóp festıvalder pandemııaǵa baılanysty keıinge shegerildi. Biraq soǵan qaramastan, biz bul kedergiden ótip, festıvalderdiń negizgi konkýrsyna ilindik. Bul joly biz burynǵy ómirimizge jeńimpaz bolyp oralamyz», - dep qosty fılmniń avtory.

Derekti fılm 2020 jyly 30-31 mamyrda Stambýlda ótetin Anatolia International Film Festival halyqaralyq kınofestıvaliniń basty baıqaýyna qatysady. Derekti fılm «eń úzdik derekti», «úzdik mýzykalyq fılm» jáne «úzdik rejısser» atalymy boıynsha úsh nomınatsııada báıgege túsedi. Jylyna eki ret ótetin kınobaıqaý baǵdarlamasyna qysqa, tolyqmetrajdy kórkem fılmder men derekti fılmder kiredi.

Fılm sonymen qatar 2020 jylǵy 1-7 tamyz aralyǵynda Gretsııada ótetin 7-shi Ieraptera halyqaralyq derekti fılmder festıvaliniń negizgi konkýrstyq baǵdarlamasynda usynylady. Ashyq aspan astynda ótetin festıval búkil álemdegi derekti fılmderge arnalǵan jáne jas ári táýelsiz rejısserlerdiń jumysyn qoldaıtyn, ónerdiń jetekshi túri retinde osy janrdy nasıhattaýǵa arnalǵan. Bıylǵy kórsetilim ǵylymı zertteýler men ınnovatsııalarǵa arnalady.

23-30 tamyz aralyǵynda «Kedergilerdi jeńý» kartınasy Docs Without Borders Film Festival kınofestıvaliniń negizigi konkýrsyna qatysady. Amerıkadaǵy eń iri derekti fılm kınofestıvalderiniń biri 23-30 tamyz aralyǵynda ótedi.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT