Qazaqstandyq boksshylar elordadaǵy halyqaralyq týrnırde 11 altyn jeńip aldy
2022 jylǵy 4 shilde 20:18

Qazaqstandyq boksshylar elordadaǵy halyqaralyq týrnırde 11 altyn jeńip aldy

NUR-SULTAN. QazAqparat – El astanasynda bokstan «Elorda kýbogy» halyqaralyq týrnıri máresine jetti, dep habarlaıdy QazAqparat tilshisi.

Jarys qorytyndysynda qazaqstandyq boksshylar 11 altyn medal jeńip alyp, komandalyq esepte kósh bastady.

Atap aıtqanda, 48 kelige deıingi salmaqta Temirtas Júsipov ózbekstandyq Asylbek Jalılovty tóreshiler sheshimimen (4:1) utty.

Sáken Bıbosynov 51 kelige deıingi salmaqta kýbalyq Alehandro Klaro Fısstan aılasyn asyrdy (5:0).

Mahmud Sabyrhan 54 kelige deıingi salmaqta qytaılyq Fan Bodan basym tústi (5:0).

Serik Temirjanov 57 kelige deıingi salmaqta tartysty básekede tóreshiler sheshimimen kýbalyq Osvel Devıd Kavallerony súrindirdi (3:2).

Samatáli Tóltaev 60 kelige deıingi salmaqta otandasy Talǵat Syrymbetovti jeńdi (4:1).

Muhamedsabyr Bazarbaıuly 63,5 kelige deıingi salmaqta Sanatáli Tóltaevty qapy qaldyrdy (5:0).

19 jastaǵy Abzal Serik 67 kelige deıingi salmaqta Dýlat Bekbaýovty utty (4:1).

Qazaqstan ulttyq quramasynyń kapıtany Aslanbek Shymbergenov 71 kelige deıingi salmaqta álem chempıony, japonııalyq Sevonret Okazavamen aıqasyp, jeńiske jetti (4:1).

Kýbalyq Ioenlıs Felısıano Ernandes Martınes 75 kelige deıingi salmaqta ózbekstandyq Saıdjamshıd Jafarovty utty (3:2).

Nurbek Oralbaı 80 kelige deıingi salmaqta qytaılyq Tanglatıhan Erbıekeden sál basymdaý boldy (3:2).

Abzal Quttybekov 86 kelige deıingi salmaqta kýbalyq ıAınıer Aereodan úshinshi raýndta nokdaýn alǵanyna qaramastan, chempıon atandy (3:2).

Aıbek Oralbaı 92 kelige deıingi salmaqta asa tartysty jekpe-jekte otandasy Saǵyndyq Toǵambaıdy jeńdi (3:2).

Asa aýyr salmaqta Damır Toıbaı fınalda ózbekstandyq Lazızbek Mýllojonovqa ese jiberdi (0:5).

Bokstan Qazaqstan ulttyq quramasynyń bas bapkeri Qaırat Sátjanov atalmysh jarysta Abzal Serik sekildi jastardyń da jaqsy óner kórsetkenin jetkizdi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT