+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Qazaqstandyq bitimgershiler «Dala qyrany - 2013» oqý-jattyǵýynda sheberlikterin shyndaýda

2013 jylǵy 10 tamyz 15:32
Bólisińiz:
Qazaqstandyq bitimgershiler «Dala qyrany - 2013» oqý-jattyǵýynda sheberlikterin shyndaýda

ASTANA. 10 tamyz. QazAqparat - Búgin Almaty oblysyndaǵy «Іle» polıgonynda «Qazbrıg» bitimgershilik brıgadasynyń oqý ortalyǵynda «Dala qyrany» halyqaralyq bitimgershilik oqý-jattyǵýy bastaldy. Oqý-jattyǵýdyń ashylý saltanatyna Qorǵanys mınıstriniń birinshi orynbasary - Qazaqstan Respýblıkasy Qarýly Kúshteri Bas shtabynyń bastyǵy general-polkovnık Sáken Jasuzaqov, qatysýshy elder qolbasshylyǵynyń ókilderi jáne sheteldik baqylaýshylar qatysty.

Bul týraly QR QM baspasóz qyzmetinen habarlandy.

«Dala qyrany» taktıkalyq-arnaıy bitimgershilik oqý-jattyǵýy Qazaqstan Respýblıkasy men NATO arasyndaǵy áriptestik qımyldarynyń Derbes josparyn júzege asyrý, sondaı-aq «Beıbitshilik úshin áriptestik» baǵdarlamasy sheńberinde ótkizilip keledi.

Alǵashqy «Dala qyrany» oqý-jattyǵýy 2003 jyly «Іle» polıgonynda ótkizilgen bolatyn. Oǵan qatysýshylardyń sany jyl saıyn artyp keledi. Bıyl onynshy ret ótkizilip otyrǵan oqý-jattyǵýǵa Qazaqstan, AQSh, Ulybrıtanııa, Lıtva, Shveıtsarııa, Italııa, Qyrǵyzstan, Tájikstan memleketteri Qarýly Kúshteriniń ókilderi qatysady. Jattyǵýlardyń barysyn Ispanııa, Germanııa jáne Belarýs Respýblıkasynyń baqylaýshylary baqylaıtyn bolady.

Jattyǵýǵa Qazaqstan jaǵynan «Qazbat» bitimgershilik batalony tolyq quramda, «Qazbrıg» bitimgershilik brıgadasynyń shtaby jáne Qazaqstan Qarýly Kúshteri Aeroutqyr áskerleri qolbasshysy basqarmasynyń áskerı qyzmetshileri tartylǵan. Sonymen qatar, Qurlyq áskerleri jáne Áýe qorǵanysy kúshteriniń bólimsheleri de qatysady.

«Dala qyrany - 2013» oqý-jattyǵýlarynyń ereksheligi «Qazbat» bitimgershilik bólimshesiniń is-qımylyn NATO jáne Qazaqstan Respýblıkasy Qarýly Kúshteriniń sarapshylary «Jedel áleýet tujyrymdamasy» baǵdarlamasynyń birinshi deńgeıi boıynsha baǵalaıtyn bolady. Baǵalaýdyń bul túri qazaqstandyq bitimgershiler úshin NATO standarttaryna sáıkes jedel úılesimdilikte jáne kópultty ortada jumys isteýge múmkindik beredi.

«Dala qyrany» oqý-jattyǵýynyń maqsaty - komandırler men shtabtardyń bitimgershilik operatsııalaryn júrgizý barysynda bólimshelerdiń arasyndaǵy ózara
is-qımyl men sheshim qabyldaýdy uıymdastyrýdaǵy tájirıbelik daǵdylaryn jetildirý. Sonymen qatar, bólimsheler qarsylas taraptar arasyndaǵy qaqtyǵys jaǵdaıynda beıbitshilikti qoldaý boıynsha jaýyngerlik úılesimdiligin arttyratyn bolady.

Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT