Qazaqstandyq bı stýdııasy Máskeýde ótken festıvalde jeńimpaz atandy

ORAL. QazAqparat – Batysqazaqstandyq Qarlyǵash Qadyrbekova bastaǵan «QQQ» bı stýdııasy Máskeý qalasynda ótken ІІ halyqaralyq «GRAN-PRI FEST. Moskva» kóp janrly festıval-konkýrsynyń jeńimpazy atandy, dep habarlaıdy QazAqparat tilshisi.

Uqsas jańalyqtar

Óskemende «Abaı álemin ashý» kitabynyń tusaýkeseri ótti

Atyraýda «100 jańa esim» jobasynyń jeńimpazy Rahat-Bı Ábdisaǵın kontsert berdi Elordada «San qyrly sımvolızm» kórmesi ashyldy Qyzylordadaǵy Abaı aýylynda Abaı shyǵarmashylyǵy nasıhattaldy

«Kosmos» kontserttik zalynda ótken baıqaýǵa Reseıdiń 23 qalasynan jáne TMD elderinen 56 ujym qatysyp, baq synady.

Baǵdarlama erejesi boıynsha qatysýshylardyń kásibı sheberligi, óner sapasy, sahnalyq qarym-qabileti baǵalandy.

Batysqazaqstandyq bı stýdııasy ujymdyq ónerden Gran-prıdi jeńip alsa, jeke oryndaýshylardan Gúldana Qaderova «Tumar hanshaıym» bıimen, Aqnur Sháripova «Jeztyrnaǵymen», sondaı-aq búldirshinder «Horezm» bıimen birinshi dárejeli dıplomǵa ıe boldy. Oǵan qosa jyl sońynda Sochıde ótetin búkilreseılik festıval-baıqaýǵa joldama aldy.

Qazylar alqasynyń quramynda reseılik óner salasynyń beldi mamandary boldy.

«Bul – halyqaralyq baıqaýda joǵary deńgeıde óner kórsetip, top jarǵan Aq Jaıyq ónerpazdarynyń jeńisi. Osy baıqaýǵa Qazaq eliniń atynan shyǵatyn bolǵannan keıin úlken jaýapkershilikpen bardyq. Eńbegimizdiń jemisin kórip, senim údesinen shyqqanymyzǵa qýanyshtymyz», dedi tanymal horeograf Qarlyǵash Qadyrbekova.