+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Qazaqstandyq bendı sheberi Norvegııa chempıonatynyń úzdik oıynshysy atandy

2020 jylǵy 29 naýryz 14:44
Bólisińiz:
Qazaqstandyq bendı sheberi Norvegııa chempıonatynyń úzdik oıynshysy atandy

ORAL. QazAqparat – Qazaqstandyq Eskendir Nuǵmanov dopty hokkeıden Norvegııa chempıonatynyń úzdik oıynshysy atandy, dep habarlaıdy QazAqparat tilshisi.

Oral dopty hokkeıiniń túlegi E.Nuǵmanov norvegııalyq «Redı» klýbynyń namysyn qorǵaıdy.

E.Nuǵmanovtyń aıtýynsha, Norvegııanyń elıtalyq serııasynda óner kórsetetin «Redı» úshin 2019-2020 jylǵy maýsym sátti boldy. Bul elde elıtalyq toptan basqa taǵy eki dıvızıon bar.

«Ótken jyly maýsym aldynda Shvetsııadaǵy Ratvık kýbogynyń fınalyna shyqtyq. Sodan keıin Oslo kýbogyn utyp aldyq. Chempıonatqa jaqsy ázirlikpen kelip, ony da tabysty ótkizdik. «Redı» klýby barlyǵy 18 kezdesý ótkizip, sonyń 16-synda jeńiske jetti. Bireýinde teń túsip, bireýinde ǵana ese jiberdi», deıdi qazaqstandyq oıynshy.

Osylaısha «Redı» alǵash ret elıtalyq serııanyń fınalyna shyqty. Biraq koronavırýsqa baılanysty birinshilik aıaqtalmaı qaldy.

«Degenmen maýsym qorytyndysy boıynsha bizdiń komandany jeńimpaz dep tanydy. Oǵan qosa oıynshylary eń az aıdynnan qýylǵan komanda retinde «Redıge» fair play syılyǵy tabys etildi. Komanda quramynda menen basqa legıonerlerden shvedter men bir fın hokkeıshisi oınaıdy», deıdi E.Nuǵmanov.

Maýsym barysynda 29 gol soǵyp, 30 nátıjeli pas bergen Eskendir Nuǵmanov Norvegııa birinshiliginiń úzdik oıynshysy atandy.


«Osloda turyp jatqandyqtan, norveg tilin meńgerdim. Bapkerlikpen de aınalysamyn. 2002 jáne 2003 jylǵy jasóspirimderden qurylǵan eki komandany jattyqtyramyn. Oǵan qosa bendı akademııasynda kishkentaı balalarmen jumys isteımin», dedi E.Nuǵmanov.

Dopty hokkeıdegi jolyn oraldyq «Aqjaıyq» komandasynyń quramynda bastaǵan E.Nuǵmanov Qazaqstan ulttyq quramasy sapynda qysqy Azııa oıyndarynyń chempıony, eki márte álem birinshiliginiń qola júldegeri atandy. Onyń ákesi Sáken Nuǵmanov ta belgili oıynshy, halyqaralyq dárejedegi sport sheberi, kezinde Qazaqstan quramasyn jattyqtyrǵan bapker.


«Balam bıyl 4 qarashada 30-ǵa tolady. Ázir úılene qoıǵan joq. Shette júrse de, qazaq azamaty ekendigin umytqan emes. Dopty hokkeıden Qazaqstan ulttyq quramasynyń múshesi retinde óz eliniń namysyn qorǵap keledi», dedi QazAqparat tilshisine S.Nuǵmanov.

Bıyl dopty hokkeıden álem chempıonaty 29 naýryz – 5 sáýir aralyǵynda Irkýtskide ótýi tıis edi. Koronavırýs qaterine baılanysty bul birinshilik kúzge qaldyryldy.


Bizdiń kanalymyzǵa jazylyńyz:

Basty sózder: Batys Qazaqstan oblysy, Sport,
Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT