+7 (701) 759 90 19
USD 433.15 EUR 515.06
RUB 5.61 CNY 66.06
Jańalyqtar

Qazaqstandyq bankter klıentterge úndeý joldady

2021 jylǵy 3 naýryz 22:40
Bólisińiz:
Qazaqstandyq bankter klıentterge úndeý joldady

NUR-SULTAN. QazAqparat - Qazaqstandyq bankter birlesken málimdeme jasady, dep habarlaıdy QazAqparat.

Uqsas jańalyqtar
Jambylda on tórt adamnyń 15 mln teńgesin qaltasyna basqan alaıaq ustaldy Fıshıng pen vıshıng: Qarjy alaıaqtarynan qalaı saqtanamyz Túrkistan oblysynda týysynyń atynan nesıe rásimdegen alaıaq ustaldy

Kaspi. kz, «Sberbank» EB AQ, Halyk Bank, N urbank, VTB Bank ( Qazaqstan), ForteBank, Jýsan Bank, AltynBank, Hoým Kredıt Bank, E ýrazııalyq bank, «Alfa-Bank Qazaqstan» EB AQ klıentterine úndeý joldady.

Buǵan sebep - alaıaqtardyń bank klıentterine shabýyl jasaýy taǵy da jıilep ketken.

«Munyń keń taralǵan birneshe ádisi bar.

Alaıaqtar:

- Qońyraý shalyp, ózin bank qyzmetkeri retinde tanystyrady. Kúdikti operatsııalar týraly aıtyp, klıent shotynan aqsha aýdarýǵa qajetti málimetterdi alýǵa tyrysady. Mysaly, jeke kabınette qupııasózdi aýystyrýdy, jańa qupııasózdi jáne SMS-habarlama arqyly kelgen qupııa kodty aıtýdy suraıdy. Bul málimetter arqyly alaıaqtar klıent shotyndaǵy aqshany aýdaryp, tipti onyń atyna aqshalaı kredıt rásimdeýi múmkin.

- Qońyraý shalyp, klıent shotynan aqsha urlanýy qaýpi baryn, qarajatty jedel túrde «qosymsha shotqa», «saqtandyrý agentine», «saqtandyrý uıashyǵyna» t.b aýdarý keregin aıtady. Ańyzdar ártúrli bolýy múmkin, bastysy – klıent qarajatyn basqa shotqa aýdarýǵa kóndirý. Keıbir jaǵdaıda alaıaqtar arnaıy kompıýterlik baǵdarlamanyń kómegimen bank nómirinen qońyraý shalǵan bolady nemese uqsas nómirden qońyraý shalady.

- Poshta nemese messendjerlerge qaıyrymdylyq aktsııasy, erekshe qarjylyq qyzmetter, júldeler utysy jáne t.b sharalar týraly aqparat taratady. Olarda jeke málimetterdi engizýge jáne banktik operatsııalardy jasaýǵa arnalǵan siltemeler bolady. Adam karta málimetterin engizgen sátte alaıaqtar aqsha sheship alady. Sondaı-aq siltemede alaıaqtarǵa sizdiń qosymshańyzǵa kirýge múmkindik beretin vırýstar bolýy múmkin.

- Qońyraý shalyp basqa bireýdiń sizdiń jeke kabınetińizge kirýge talpynyp jatqanyn aıtyp, qaýipsizdik úshin qosymsha júktep alýdy usynady. Mundaı qosymshalar alaıaqtarǵa telefonyńyzǵa kirýge múmkindik beredi. Odan keıin sizdiń atyńyzdan qońyraý shalyp, qarjylyq operatsııalardy jasaýy múmkin.

Bankter óz klıentteriniń senimin baǵalaıdy. Jeke málimetter men elektrondy qarjy aýdarymdarynyń qaýipsizdigin joǵary deńgeıde qamtamasyz etedi. Sondyqtan alaıaqtar qodanýshylardyń ózderin aldaý arqyly aqsha jymqyrýǵa tyrysady.

Este ustańyz, alaıaqtar adamdy úreılendirip, oılanyp, jaǵdaıdy baǵamdap úlgerýge múmkindik bermeı, qarajatyn jyldam alýǵa tyrysady. Úreılenbeńiz, muqııat bolyńyz! Biz zııankesterdiń áreketine tek birge qarsy tura alamyz» delingen málimdemede.

Bankter alaıaqtarǵa aldanbas úshin ne isteý keregin túsindirdi.

Eger sizge alaıaq qońyraý shalsa, ne isteý kerek?

Alaıaqpen sóılespeńiz. Tutqany qoıyńyz. Shottaǵy aqshańyzdyń ornynda ekenine kóz jetkizińiz. Suraqtaryńyz bolsa banktiń koll-ortalyǵyna qońyraý shalyńyz.

- Uıaly qosymsha men ınternet-bankıngtegi jeke kabınetińizdiń qupııasózin;

- Karta rekvızıtterin: nómeri, jaramdylyq merzimi, CVV/CVC-kod (kartanyń artqy bóligindegi úshtańbaly kod).

- Operatsııany: tólem, aýdarym t.b rastaýǵa arnalǵan SMS-kodty eshkimge aıtpańyz.

Bul derekterdi qońyraý shalǵan adam ózin bank qyzmetkeri dep tanystyrsa da, bank nómirine uqsas nómirden habarlassa da aıtýǵa bolmaıdy. Naǵyz bank qyzmetkeri mundaı aqparatty suramaıdy. Bul tek alaıaqtarǵa ǵana kerek.

- Tanys emes adamdar surasa, kez kelgen uıaly qosymshany ornatpańyz.

- Habarlama tipti tanymal bank nemese kompanııa atynan kelse de. Siltemeni basqan soń kompıýterińizge zııankes vırýs kirýi múmkin. Ol alaıaqtarǵa sizdiń banktik shottaǵy qarajatyńyzdy urlaýǵa múmkindik beredi.

- Jeke málimetterińizdi suraıtyn anketelardy toltyrmańyz. Eger silteme arqyly ótseńiz, anketa, saýalnamany ashpańyz, ózińiz týraly aqparat qaldyrmańyz. Naǵyz aktsııalar men utys oıyndary týraly bilgińiz kelse bankterdiń resmı saıttary men áleýmettik jelidegi paraqshalaryn oqyńyz.


Bizdiń kanalymyzǵa jazylyńyz:

Bólisińiz:
Uqsas jańalyqtar
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT