+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Qazaqstandyq balerına TMD syılyǵynyń laýreaty atandy

2019 jylǵy 9 jeltoqsan 11:42
Bólisińiz:
Qazaqstandyq balerına TMD syılyǵynyń laýreaty atandy

NUR-SULTAN. QazAqparat – «Astana Opera» jetekshi solısi Áıgerim Beketaeva TMD-nyń «Debıýtter dostastyǵy» jastar syılyǵynyń laýreaty atandy. Bul týraly QazAqparat atalǵan uıymnyń baspasóz qyzmetine silteme jasap habarlaıdy.

Syılyqqa Qazaqstan, Reseı, Ázerbaıjan, Armenııa, Belarýs, Qyrǵyzstan, Moldova, Tájikstannan 26 nomınant usynyldy. Shyǵarmashylyq jetistikteri ónerdiń ár salasyn damytý men dáripteýde eleýli úles bolǵan Dostastyq elderiniń segiz mádenıet qaıratkeri halyqaralyq qazylardyń sheshimimen syılyqtyń laýreaty atandy. Syılyq TMD-da Mádenıet jyly dep jarııalanǵan 2018 jyldyń qorytyndysy boıynsha berildi.

«Osy syılyqtyń quryltaıshylaryna maǵan bildirgen senimderi men shyǵarmashylyǵyma bergen joǵary baǵalary úshin alǵysymdy bildiremin. Ártis úshin árbir sahnaǵa shyǵý – úlken baqyt, kórermenderdi qýantý, oryndaýshylyq sheberliktiń jańa qyrlaryn ashý múmkindigi. Mundaı marapattar bizdi jańa belesterdi baǵyndyrýǵa shabyttandyrady», - dep atap ótti Áıgerim Beketaeva.

«Debıýtter dostastyǵy» halyqaralyq syılyǵy Táýelsiz Memleketter Dostastyǵyna qatysýshy memleketterdiń Gýmanıtarlyq yntymaqtastyq jónindegi keńesi jáne Halyqaralyq gýmanıtarlyq yntymaqtastyq qorymen 2008 jyly qurylǵan bolatyn. Quryltaıshylarmen anyqtalatyn gýmanıtarlyq salalardaǵy atalmysh syılyq jyl saıyn jas mamandarǵa (35 jasqa deıin) tabystalady. Syılyq berile bastaǵan jyldardyń ishinde ony aqyndar, dárigerler, ustazdar, ǵalymdar, tarıh jáne mádenıet eskertkishterin qorǵaý jónindegi mamandar, sportshylar men jattyqtyrýshylar, týrızmdi uıymdastyrýshylar ıelengen.

2019 jylǵy TMD-nyń mádenı astanasy Bresttegi saltanatty rásim jyl boıyndaǵy is-sharalar baǵdarlamasyn túıindeıdi. Osy keshte Shymkent qalasy qurmetti mártebe estafetasyn qabyldap, 2020 jyly Dostastyqtyń mádenı astanasyna aınalmaq.

Marapattaý rásimi búgin Belarýstegi Brest akademııalyq drama teatrynda ótedi.

Bizdiń kanalymyzǵa jazylyńyz:

Basty sózder: Mádenıet, Belarýs,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT