Qazaqstandyq aýyr atletter jalpy komandalyq esepte birinshi oryn aldy
2022 jylǵy 19 maýsym 11:43

Qazaqstandyq aýyr atletter jalpy komandalyq esepte birinshi oryn aldy

NUR-SULTAN. QazAqparat – Aýyr atletıkadan jasóspirimder arasyndaǵy álem chempıonatynda Qazaqstan quramasy jalpy komandalyq esepte birinshi oryn aldy, dep habarlaıdy QazAqparat tilshisi.

Aıta ketsek, álem chempıonaty 11-18 maýsym aralyǵynda Meksıkanyń Leon qalasynda ótkizildi. Dúbirli dodada qazaqstandyq aýyr atletter 4 altyn, 1 kúmis, 2 qola medal ıegeri atandy. Nátıjesinde jalpy komandalyq esepte birinshi oryn aldy .

Álem chempıonatynda el quramasynan Erasyl Sáýlebekov (67 keli), Edige Emberdi (73 keli), Denıs Polýboıarınov (80 keli), Nıkıta Abdrahmanov (102 keli) jeńimpaz tuǵyryna kóterildi.

Al Nadejda Lı (62 keli) kúmis alsa, Aleksandra Belenko (40 keli) jáne Erasyl Omarov (55 keli) qola júldege qol sozdy.

Jalpy komandalyq esepte Kolýmbııa jáne Túrkııa quramalary úzdik úshtikke jaıǵasty.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT