Jańalyqtar  >
  Sport
Qazaqstandyq aýyr atlet Aızada Mýptılda Islam oıyndarynyń chempıony atandy
2022 jylǵy 16 tamyz 00:41

Qazaqstandyq aýyr atlet Aızada Mýptılda Islam oıyndarynyń chempıony atandy

NUR-SULTAN. QazAqparat – Qazaqstandyq aýyr atlet Aızada Mýptılda Túrkııanyń Konıa qalasynda ótip jatqan Islam yntymaqtastyǵy oıyndarynyń chempıony atandy, dep habarlaıdy QazAqparat tilshisi.

A.Mýptılda +87 keli salmaqta serpe kóterýden 116 kg, julqa kóterýden 150 keli kórsetkishpen Islam oıyndarynyń rekordyn ornatty. Qossaıys qorytyndysy boıynsha 266 kelini baǵyndyrǵan Aızada aldyna jan salmaı, chempıondyq tuǵyrǵa kóterildi.

Taǵy bir qazaqstandyq Lıýbov Kovalchýk dál osy salmaqta serpe kóterýden 114 kg, julqa kóterýden 147 kg, jalpy esepte 261 kelimen kúmis júldege ıe boldy.

Osylaısha, A.Mýptılda úsh altyn, L.Kovalchýk úsh kúmis medaldi enshiledi.

«Sportty damytý dırektsııasy» RMQK-nyń málimetine sáıkes, aýyr atletter Qazaqstan quramasy qorjynyna 8 altyn, 15 kúmis, 3 qola júlde saldy.

Eske sala keteıik, budan buryn Islamıada oıyndarynda Qazaqstannyń taǵy eki altyn medal alǵanyn jazǵan bolatynbyz.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT