+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Qazaqstandyq áskerıler NATO-nyń shtab-páterine barady

2015 jylǵy 6 sáýir 15:28
Bólisińiz:

ASTANA. QazAqparat - Qazaqstandyq áskerı qyzmetshiler Brıýssel qalasyndaǵy NATO-nyń shtab-páterine baryp qaıtpaq. Aldaǵy sapardyń maqsaty «Boljaý jasaý jáne taldaý úderisi» baǵdarlamasy aıasynda elimizdegi aldaǵy is-qımyl barysyn talqylaıtyn bolady. Bul týraly Qorǵanys mınıstrliginiń baspasóz qyzmetinen habarlandy.

«Jýyrda Astanada NATO men QR Qorǵanys mınıstrligi, Bas shtaby jáne QR Qarýly Kúshteriniń qurylymdyq bólimsheleri ókilderiniń arasyndaǵy kelissózder aıaqtaldy. Atalǵan baǵdarlama aıasyndaǵy Qazaqstannyń qorǵanys vedostvalary ótkizgen barlyq jumysty zertteı otyryp NATO mamandary «Qazbrıgtiń» bitimgerlik daıarlyǵynyń, sondaı-aq QR Qarýly Kúshteri Qurlyq áskerleri áskerı ınstıtýtynyń «Beıbitshilik úshin seriktestik» Oqý ortalyǵynyń áskerı qyzmetshiler men el seriktesterimen udaıy ótkizetin tildik jáne bitimgerlik daıarlyǵynyń durys ekinin atap ótti», - delingen baspasóz baıanynda.

Aıta keterligi, Qazaqstan 2002 jyldan beri «Boljam jasaý jáne taldaý úderisi» baǵdarlamasyna qatysyp keledi. Baǵdarlama halyqaralyq deńgeıdegi jattyǵýlar, oqý-jattyǵýlar men operatsııalardy, sonymen qatar beıbitshilikti qoldaý boıynsha operatsııalar ótkizý úshin jeke memleketterde bar kúshter men quraldardy baǵalaýǵa baǵyttaldy.

QR Qorǵanys mınıstrligi úshin baǵdarlamaǵa 33 maqsat belgilendi. Solardyń ishinde NATO standarty boıynsha bitimgerlik kontıngentin daıarlaý jáne jabdyqtaý, áskerı qyzmetshilerdiń tildik daıarlyǵy, shtabtyq ofıtserlerdi oqytý, qalalyq jaı-kúılergejalpy áskerı operatsııalardy engizý, daǵdarys oqıǵalarynyń áser etý máseleleri jáne taǵy basqalary bar.

Bizdiń kanalymyzǵa jazylyńyz:

Bólisińiz:

Avtor:

Qanat Mámetqazyuly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT