Qazaqstandyq áskerı sportshy pankratıonnan álem chempıony atandy

RIM. QazAqparat - Rımdegi FEDERBOCCE sport kesheninde pankratıonnan álem chempıonaty ótti. Básekede QR Qorǵanys mınıstrligi Armııa ortalyq sport klýbynyń sportshysy Sábıt Júsipov 65 keli salmaq dárejesinde chempıon beldigin jeńip aldy, dep habarlaıdy QazAqparat QR Qorǵanys mınıstrligine silteme jasap.

Fınaldaǵy jekpe-jekte áskerı sportshy 2018 jylǵy álem chempıony reseılik Magomed Abdýllaevti senimdi túrde jeńdi. Saıysta 200-den astam sportshy baq synady.

«Pankratıon – bul qaıta shyǵa bastaǵan sport túri. Ol erkin, grek-rımdik kúres, sambo, dzıýdo, boks jáne basqada jekpe-jektiń tehnıkalyq qımyldaryn qoldanýǵa ruqsat etiletin, MMA aralas jaýyngerlik jekpe-jektiń túp-tamyry bolyp sanalady» - dedi Qoıan-qoltyq urys boıynsha AOSK komandanyń bastyǵy maıor Murat Bıjanov.