+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Qazaqstandyq áskerı dárigerler AQSh mamandarymen birge bitimgershilik mıssııaǵa daıyndyq ótkizdi

2021 jylǵy 22 shilde 21:28
Bólisińiz:
Qazaqstandyq áskerı dárigerler AQSh mamandarymen birge bitimgershilik mıssııaǵa daıyndyq ótkizdi

NUR-SULTAN. QazAqparat - Almaty qalasyndaǵy Qorǵanys mınıstrliginiń Áskerı medıtsına ortalyǵynda Qazaqstan men AQSh qorǵanys vedomstvolary arasyndaǵy halyqaralyq yntymaqtastyq sheńberinde dalalyq gospıtal qyzmetine qatysty aqparat almasý sharasy ótti, dep habarlaıdy QR QM baspasóz qyzmeti.

Uqsas jańalyqtar
Áskerı qyzmetshilerdiń laýazymdyq eńbekaqysy 60 paıyzǵa joǵarylaıdy - Prezıdent QR Prezıdenti – Joǵarǵy Bas qolbasshy «Otpantaý-2021» áskerı oqý-jattyǵý jıynyna bardy Ulttyq ulan áskerı bólim komandırleriniń jaýyngerlik sheberligi synaldy

Amerıkalyq sarapshylar jedel mamandandyrylǵan medıtsınalyq kómek kórsetýdi bildiretin ekspedıtsııalyq medıtsınalyq qamtamasyz etý boıynsha tájirıbemen bólisti. Onda zardap shekkenderdi medıtsınalyq kómek kórsetýdiń kelesi deńgeıine evakýatsııalaýǵa daıyndaıdy. Onyń artyqshylyǵy 12 saǵattan 60 saǵatqa deıingi ýaqyt merziminde óristetýmen modýldilikti arttyrý jáne tolyq operatsııalyq jabdyqtaý bolyp tabylady.

Qazaqstan tarapynan bitimgershilik áskerı-dalalyq gospıtaldiń quramyna kiretin medıtsına mamandary qatysty. Personal qazaqstandyq bitimgershilik polktiń oqý-jattyǵý ortalyǵynda BUU standarttaryna sáıkes bitimgershilik daıarlyqtan ótti. Odan basqa, Áskerı medıtsına ortalyǵynda medıtsına qyzmetkerlerimen arnaıy medıtsınalyq daıarlyq boıynsha kýrstar ótkizildi.

Qazaqstan Qarýly Kúshteri Bas áskerı-medıtsınalyq basqarmasynyń bastyǵy, medıtsına qyzmetiniń polkovnıgi Tımýr Oshaqbaevtyń aıtýynsha, eger áńgime, ásirese, halqy az jáne medıtsınalyq ınfraqurylymy shekteýli aýdandarǵa qatysty bolsa, medıtsınalyq kómek kórsetýdiń jyljymaly nysandaryn paıdalanýdyń tıimdiligi joǵary jáne medıtsınalyq-áleýmettik, sondaı-aq ekonomıkalyq quramdas retinde de qyzyǵýshylyq týdyrady.

Qazaqstandyq áskerı-dalalyq gospıtal medıtsına mamandarynyń halyqaralyq kýrstarǵa jáne aqparat almasýǵa qatysýy bitimgershilik kontıngentti BUU mıssııalaryna qatysýǵa sapaly ári jan-jaqty daıarlaýǵa yqpal etetinin atap ótý qajet.

Qazaqstan Qarýly Kúshteriniń BUU bitimgershilik áleýetin daıarlaý júıesine qatysýyn keńeıtý jónindegi bastamalar sheńberinde tórt mamandandyrylǵan bólimshe tirkelgenin esterińizge sala keteıik. Olar –áskerı-dalalyq gospıtal, ınjenerlik-saperlik jasaq, áskerı polıtsııa jasaǵy jáne barlaý bólimshesi. BUU áskerı-medıtsınalyq bólimsheni bitimgershilik mıssııalarǵa qatysý úshin eń kóp qajet etiletinderdiń biri dep atap ótti.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT