+7 (701) 759 90 19
USD 429.76 EUR 518.16
RUB 5.64 CNY 66.15
Jańalyqtar

Qazaqstandyq ánshiler halyqaralyq jobaǵa qatysyp, «Tyrnalar» ánin shyrqady

2020 jylǵy 9 mamyr 10:20
Bólisińiz:
Qazaqstandyq ánshiler halyqaralyq jobaǵa qatysyp, «Tyrnalar» ánin shyrqady

NUR-SULTAN. QazAqparat - Tanymal úsh barıton «Tyrnalar» halyqaralyq jobasyna qatysty. «Astana Operanyń» jetekshi solısi, Qazaqstannyń eńbek sińirgen qaıratkeri Talǵat Musabaev, Reseı Úlken teatrynyń shaqyrylǵan solısi Vasılıı Ladıýk, Abaı atyndaǵy MAOBT solısi Rasýl Jarmaǵambetov «Astana Opera» teatry opera trýppasynyń bas kontsertmeısteri Elena Sahnonyń, «Astana Opera» sımfonııalyq orkestr mýzykanttary men hor ártisteriniń súıemeldeýimen áıgili «Tyrnalar» ánin onlaın oryndady, dep habarlaıdy QazAqparat teatrdyń baspasóz qyzmetine silteme jasap.

Bul án Rasýl Ǵamzatovtyń sózine jazylǵan kompozıtor ıAn Frenkeldiń qalamyna tıesili (orys tiline aýdarǵan – Naým Grebnev). Týyndy soǵys kezinde qaza tapqan sarbazdarǵa arnalǵan.

«Áriptesterimmen birge osynaý ańyzǵa aınalǵan kompozıtsııany oryndaý men úshin úlken qýanysh boldy. Ónerdiń shekarasy joq, mýzyka adamdardy jaqyndastyrady, dinı senim men ultqa qaramastan, bul – bizdiń ortaq merekemiz. 9 mamyrdy qýana-qýana qarsy alamyz, sebebi bul – barshamyzǵa ortaq tarıh, ony esten shyǵarýǵa bolmaıdy. Beıbit ómir úshin kúresken batyrlarymyz máńgi esimizde, olardy maqtan tutamyz, olar óz Otanyn qorǵap, janyn qııýǵa daıyn bolǵan. Bul joba – soǵys jolyn júrip ótken babalarymyzdyń rýhyna taǵzym etip, eske alý jáne búginde qasymyzda qalǵan azǵana batyrlarymyzǵa qurmet kórsetý. Olarǵa myqty densaýlyq tileı otyryp, baqytty da baıandy ómirimiz úshin jasaǵan erlikterine myń alǵys bildiremiz», - deıdi Talǵat Musabaev.

Talǵat Musabaev – Qazaqstannyń eńbek sińirgen qaıratkeri, Reseıdiń Úlken teatry sahnasynda P.Chaıkovskııdiń «Evgenıı Onegın» operasynda Onegınniń partııasyn oryndaǵanyn esterińizge sala keteıik (Máskeý, 2003). Italııanyń Rım, Genýıa, Florentsııa, Sırakýzy jáne t.b. qalalarynda talaı ret gastroldik saparlarda bolǵan. AQSh-ta, álemniń eń bedeldi sahnalarynyń biri Karnegı-holl (Nıý-Iork q.) jáne Kennedı ortalyǵynda (Vashıngton q.) kontserttermen óner kórsetedi.

Onyń áriptesi Vasılıı Ladıýk – reseılik opera ánshisi. Shaqyrylǵan solıst retinde Reseı men álemniń mańdaıaldy opera teatrlaryndaǵy (Úlken teatr, Marıın teatry, Metropolıten Opera, Hıýston Grand Opera, La Fenıche teatry (Venetsııa), Norvegııa koroldik operasy, Teatro Regio (Týrın) jáne t.b.) operalyq qoıylymdarǵa qatysady. Valerıı Gergıev, Plasıdo Domıngo, Vladımır Spıvakov syndy kórnekti dırıjerler jáne rejısserlermen birge yntymaqtastyqta jumys jasaǵan. Vasılıı Ladıýktiń shetelde óner kórsetý geografııasy Mılan men London, Venetsııa men Týrın, Brıýssel men Oslo, Nıý-Iork pen Tokıo qalalaryn qamtıdy.

Jobanyń úshinshi qatysýshysy Rasýl Jarmaǵambetov – Abaı atyndaǵy MAOBT solısi, Qazaqstan men onyń shekarasynan tys ondaǵan baıqaýlardyń jeńimpazy ári kóptegen júldelerdiń ıegeri bolyp tabylady. Opera ánshisi Bıbigúl Tólegenovanyń VIII halyqaralyq baıqaýynyń gran-prı ıegeri, Ulan-Batyrdaǵy halyqaralyq vokalıster baıqaýynyń III syılyq laýreaty, Plácido Domingo’s Operalia, The World Opera Competition 2017 dúnıejúzilik baıqaýy jáne The Queen Sonja International Music Competition baıqaýynyń jartylaı fınalısi.

Jobanyń menedjeri ári shabyttandyrýshysy Elena Sahnonyń aıtýynsha, 5 jyl buryn 9 mamyr kúni erekshe meıramǵa aınalǵan, sebebi ol óziniń atasy Vasnetsov Evgenıı Mıhaılovıchtiń kóptegen qazaq jaýyngerleri qaıtys bolǵan Lenıngrad túbindegi jantúrshigerlik shaıqasta basyn qaterge tikkenin bilgen.

«Tyrnalar» – kúrdeli án, sebebi biz onyń qaharmandarynyń taǵdyryn sezinemiz, qamyǵamyz. Soǵys – bul qasiret, ol kóptegen jandardyń ómirin alyp ketti, otbasylardy buzdy, adamdardy múgedek etti. Olardyń ishinde – bizdiń jaqyndarymyz ben týystarymyz da bar. Osy týyndyny oryndaı otyryp, Uly Otan Soǵysynda osynaý Jeńisti alyp kelgen jandardyń barlyǵyn eske alamyz. Ardagerlerimiz jyl saıyn osy merekelik kúnde bizdiń nazarymyzdy kútedi, sondyqtan biz, mýzykanttar, Uly Otan Soǵysynda kórsetken olardyń batyrlyǵy men erligi úshin óz shyǵarmashylyǵymyzben ardagerlerimizge sheksiz alǵysymyzdy bildirgimiz keledi « , - dep atap ótti «Astana Opera» jetekshi solısi Talǵat Musabaev.

Joba Qazaqstandaǵy Reseı yntymaqtastyq ókildigimen birlesip júzege asyrylǵan.

Jyl saıyn «Astana Opera» MOBT Jeńis kúnine oraı qurmetti qonaqtar – Uly Otan Soǵysy ardagerlerimen kontsertter ótkizetin. Karantınge qaramastan teatr ujymy Jeńistiń 75 jyldyǵy qarsańynda soǵys ardagerleri men tyń eńbekkerlerin eleýsiz qaldyrmaı, syı-syıapat usyndy, olar syılyqtarǵa óte qýanyshty bolyp, teatr qyzmetkerlerine alǵystaryn bildirdi.

Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT