FÝTBOLDAN ÁLEM ChEMPIONATY-2022
  Jańalyqtar  >
  Almaty

Qazaqstandyq ánshi esirtkige mas kúıde kólik júrgizgeni úshin 15 kúnge qamaldy

2022 jylǵy 30 qyrkúıek, 00:56
Qazaqstandyq ánshi esirtkige mas kúıde kólik júrgizgeni úshin 15 kúnge qamaldy

ALMATY. QazAqparat - Mýzykalyq toptyń solısti esirtkige mas kúıde kólik júrgizgeni úshin bas bostandyǵynan aıyryldy, dep habarlaıdy QazAqparat tilshisi.

Qalalyq polıtsııa departamentiniń málimetinshe, kólikti mas kúıinde basqarǵany úshin ustalǵan Á.Muratqa qatysty QR QK-niń 346-baby 1-bóligimen qozǵalǵan qylmystyq isti tergeý aıaqtaldy.

«Tergeý barysynda anyqtalǵandaı, ótken jyldyń qyrkúıek aıynda Á.Murat esimdi azamat mas kúıinde kólik júrgizgen kezinde elordalyq polıtsııa qyzmetkerlerimen ustaldy. Sol kezde sot sheshimimen 7 jyl merzimge kólik quraldaryn basqarý quqyǵynan aıyrylyp, 15 táýlikke ákimshilik qamaýǵa alyndy. Alaıda ózine tıisti qorytyndy jasamaı, bıylǵy jyldyń 6 tamyzynda Á.Murat esimdi azamat taǵy da mas kúıinde kólik tizginine otyrǵan. Medıtsınalyq tekserý kezinde onyń esirtkige mas ekendigi anyqtaldy. Sol kúni Murat myrzanyń ústinen qylmystyq is qozǵaldy jáne qamaýǵa alyndy», – dedi Almaty qalalyq PD Anyqtaý basqarmasynyń bastyǵy Oljas Sháripov.

28 qyrkúıek Bostandyq sotynyń úkimimen Á.Murat QR QK-niń 346-baby 1-bóliginde kózdelgen qylmystyq quqyq buzýshylyqty jasaǵany úshin kináli dep tanylyp, oǵan ómir boıyna kólik júrgizý quqyǵynan aıyrý jáne 1 jylǵa bas bostandyǵynan aıyrý jazasy taǵaıyndaldy. Ol jazasyn eń tómengi qaýipsizdiktegi bas bostandyǵynan aıyrý oryndarynda óteıtin bolady.

«Jyl basynan beri anyqtaýshylar aıaqtaǵan qylmystyq ister boıynsha, sot úkimderimen 95 adam kólik quralyn basqarý quqyǵynan ómir boıyna aıyrylǵan. Osy rette, Almaty qalalyq PD, azamattardy zań buzbaýǵa shaqyryp, mundaı quqyqtan aıyryla tura, kólik quralyn mas kúıinde júrgizý qylmystyq jaýapkershilikke ákep soǵatynyn taǵy da eskertedi», – dedi polıtsııa ókili.

Foto: polisia.kz
Uqsas jańalyqtar
Seriktester jańalyqtary

Jańalyqtar