Qazaqstandyq alpınıster Tıan-Shan taýynda joǵalǵan áriptesterin izdeýge attanbaq

NUR-SULTAN. QazAqparat – Qazaqstan alpınısteri Tıan-Shan taýynda joǵalǵan áriptesterin izdeý úshin atanbaq, dep habarlaıdy QazAqparat QR ІІM Tótenshe jaǵdaılar komıtetiniń baspasóz qyzmetine silteme jasap.

Uqsas jańalyqtar

Qazaqstan men Úndi eliniń áskerı alpınısteri Gennadıı Golovkınge  qoldaý kórsetti

Almatylyq alpınısterdi izdeý jumystary toqtatyldy Joǵalǵan alpınısterdi qalaı izdep jatqany týraly vıdeo jarııalandy Tıan-Shan taýynda joǵalǵan alpınıster tabylmaı jatyr – QR ІІM

Vedomstvo málimetinshe, búgin saǵat 13-20-da Almaty oblysyndaǵy Qarqara bazalyq lagerine biliktiligi joǵary 3 qazaqstandyq alpınısten turatyn top jetken. Alpınısterdi Qyrǵyz Respýblıkasyna jetkizý úshin QR ІІM Tótenshe jaǵdaılar komıteti Qazavıaqutqarý mekemesiniń MI-171 tikushaǵy daıyn tur.

«Qazaqstandyq alpınısterdiń qutqarý operatsııasy aýa raıy jaqsarǵannan keıin bastalady. Qazirgi ýaqytta Tıan-shan taýynyń tómengi baýraıynda jańbyr jaýyp, bıik betkeılerinde qar túsip jatyr. Sonymen qatar birlesken izdeý jumystaryn júrgizý úshin qyrǵyz alpınıster toby da daıyn», - dep atap ótedi komıtetten.

Buǵan deıin, QR Syrtqy ister mınıstrliginiń resmı ókili Aıbek Smadııarov Qyrǵyzstan taýlarynda qıyn jaǵdaıǵa tap bolǵan Qazaqstan alpınısteri týraly aıtqan bolatyn.

Eske salsaq, almatylyq alpınıster toby Qyrǵyz taýlarynda joǵalǵan bolatyn. Almaty qalasynyń ákimi Baqytjan Saǵyntaev taýda qazaqstandyq alpınıster tobynyń joǵalyp ketýine qatysty Instagram paraqshasynda alańdaýshylyq bildirdi.

Keıinirek joǵalǵan alpınısterdiń biriniń qyzy áleýmettik jeli arqyly qalyń kópshilikten kómek surady.

Sondaı-aq, QR Qorǵanys mınıstrligi alpınısterdi qutqarý operatsııasyn bastady.