+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Qazaqstandyq 3 fılm «Altyn globýs» júldesine úmitkerler tizimine kirdi

2019 jylǵy 14 qarasha 17:05
Bólisińiz:
Qazaqstandyq 3 fılm «Altyn globýs» júldesine úmitkerler tizimine kirdi

NUR-SULTAN. QazAqparat - «Qazaqfılmniń» úsh fılmi «Altyn globýs» júldesine úmitkerler tizimine kirdi, dep habarlaıdy QazAqparat.

«Altyn globýs» júldesin tabystaıtyn Gollıvýdtyń shetel baspasózi qaýymdastyǵy (HFPA) «Sheteldiń úzdik fılmi» nomınatsııasyna úmitkerlerdiń tolyq tizimin jarııalady.

Bul tizimge «Qazaqfılm» kınostýdııasynyń úsh birdeı fılmi, atap aıtqanda Ermek Tursynovtyń «Shyrakshy», Aqan Sataevtyń «Tomırıs» tarıhı kartınalary men Farhat Sháripovtyń «Tulǵalyq ósý trenıngi» dramasy kirdi», - delingen Qazaqfılm habarlamasynda.

Aıta ketsek, osy nomınatsııa boıynsha úmitkerler tizimine shetel tilinde túsirilgen 65 elden 93 fılm kirgen.

Ústimizdegi jyly 9 jeltoqsanda «Altyn globýs» júldesine úmitkerlerdiń qysqa tizimi jarııalanatyn bolady.

Keler jyldyń basynda otandyq prokatqa shyǵatyn «Shyraqshy» fılmi Ekinshi dúnıejúzilik soǵysy kezinde nemis qarııadan kınoapparat syıǵa alǵan soldat týraly. Soǵystan soń elge oralǵan ol qartaıǵan shaǵyna deıin el aralap, kınoapparatpen eski fılmderdi kórsetýmen aınalysady.

Sonymen qatar, «Tomırıs» tarıhı fılmi bizdiń zamanymyzǵa deıingi VI ǵasyrda bolǵan oqıǵany sýretteıdi. Fılmde kishkentaı qyzdan aıbyndy jaýyngerge aınalǵan, saq taıpalaryn óz bıligi astynda biriktirgen Uly Dalanyń aty ańyzǵa aınalǵan Tomırıs patshaıymynyń taǵdyry baıandalady.

Farhat Sháripovtyń «Tulǵalyq ósý trenıngi» fılmi qyryq jastaǵy orta jas kúızelisin keship júrgen, ómirden eshteńe kútpeıtin Qanat esimdi bank qyzmetkeri týraly baıandaıdy.

«Altyn globýs» júldesiniń 77-shi marapattaý saltanaty 2020 jyly qańtardyń 5-nen 6-na qaraǵan túni ótedi.

Bizdiń kanalymyzǵa jazylyńyz:

Basty sózder: Mádenıet,
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT