+7 (701) 759 90 19
USD 387.16 EUR 428.47
RUB 6.08 CNY 55.13
Jańalyqtar

Qazaqstandyq 120 bitimger Lıvanda BUU-nyń mıssııasyn jalǵastyrýda

2019 jylǵy 7 qyrkúıek 06:37
Bólisińiz:
Qazaqstandyq 120 bitimger Lıvanda BUU-nyń mıssııasyn jalǵastyrýda

NUR-SULTAN. QazAqparat - Qazaqstan Qarýly Kúshteriniń 120 áskerı qyzmetshiden quralǵan ekinshi bitimgerlik rotasy bes aı boıy Lıvandaǵy BUU mıssııasynda qyzmet etýde, dep habarlaıdy QazAqparat.

«Qazaqstandyq bitimgerik rota úndistandyq botalonmen birge 16 shaqyrymnan turatyn senip tapsyrylǵan aımaqty torýyldaý syndy belgili mindetterdi birlese oryndaýda. Bitimgerler kún saıyn jaǵdaıdy baqylap otyrady jáne búginde ol turaqty.

Patrýldeýden basqa áskerı qyzmetshiler kúndelikti blok-beketterde qyzmet atqaryp, áskerı bazalardy kúsheıtý men kúzetine jaýap beredi. Sondaı-aq úndi botalonymen birge jıi túrde avtonomdyq patrýldeýge shyǵyp turady», - dedi Qorǵanys mınıstrliginiń baspasóz qyzmetinen.

Bitimgershilik kontıngenti mindetteriniń biri – basqa memleketterdiń bitimgerlik kontıngentteriniń ókilderimen jáne de jergilikti halyqpen dostyq qarym-qatynasty ornatý.

«BUU-nyń Lıvandaǵy ýaqytsha kúshteri» mıssııasynyń basshylyǵy, sondaı-aq úndi batalonynyń basshylyǵy Qazaqstan armııasy áskerı qyzmetshileriniń daǵdylary men kásipqoılyqtaryna joǵary baǵa berýde. Mıssııany oryndaýdaǵy qysqa ýaqyt ishinde bitimgerlik rotanyń áskerı qyzmetshileri «kásibı-bitimgerler» degen ataqty abyroımen atqaryp shyqty.

Qazaqstan men Úndistan úkimeti arasyndaǵy «Úndi batalonynyń quramyna qazaqstandyq bitimgershilik kontıngentin ornalastyrý tártibi týraly» kelisimge sáıkes ekinshi bitimgerlik rota Lıvanǵa 6 aı merzimge birinshi rotany aýystyrý úshin jiberildi», - delingen vedomstvo aqparatynda.

«BUU-nyń Lıvandaǵy ýaqytsha kúshteri» - bul Qazaqstan Qarýly Kúshteriniń tarıhyndaǵy bizdiń bitimgerlik kontıngent tikeleı qatysyp jatqan alǵashqy mıssııa. Osyǵan deıin qazaqstandyq áskerı qyzmetshiler tek baqylaýshy retinde ǵana qatysqan.

Mınıstrlikten atap ótkendeı, qazaqstandyq bólimshelerdiń mıssııaǵa qatysýy halyqaralyq qaýipsizdikti nyǵaıtýǵa septigin tıgizedi jáne de Qazaqstannyń halyqaralyq qoǵamdastyqtyń jaýapty múshesi retinde bedelin arttyrady.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT