+7 (701) 759 90 19
USD 389.62 EUR 429.98
RUB 6.06 CNY 55.08
Jańalyqtar

Qazaqstandaǵy jańa kadrlyq taǵaıyndaýlarǵa sholý

2019 jylǵy 16 maýsym 13:34
Bólisińiz:
Qazaqstandaǵy jańa kadrlyq taǵaıyndaýlarǵa sholý

NUR-SULTAN. QazAqparat - Ótip bara jatqan apta QR jańa Prezıdentiniń saılaýymen este qaldy jáne sáıkesinshe birqatar mańyzdy kadrlyq aýys-túıister boldy.

«QazAqparat» halyqaralyq aqparat agenttigi 10-16 maýsym aralyǵyndaǵy Qazaqstanda bolǵan kadrlyq taǵaıyndaýlarǵa sholý usynady.

Aıta keteıik, «QR Prezıdenti týraly» QR Konstıtýtsııalyq zańynyń 17-1-baby 1-tarmaǵyna sáıkes, jańadan saılanǵan QR Prezıdenti qyzmetine kiriskende oǵan tikeleı baǵynatyn jáne esep beretin memlekettik organdardyń basshylarynyń ókilettigi toqtatylady. Olar tıisti basshylar taǵaıyndalǵansha óz mindetterin atqarýshy bolady.

Osylaısha, Prezıdent Jarlyǵymen Baqytjan Saǵyntaev Qazaqstan Respýblıkasy Prezıdenti Ákimshiliginiń Basshysy qyzmetine taǵaıyndaldy.

Baqytjan Ábiruly Saǵyntaev 1963 jyly 13 qazanda Jambyl oblysy Talas aýdanynda dúnıege kelgen. 1985 jyly S. M. Kırov atyndaǵy Qazaq memlekettik ýnıversıtetin bitirgen. Ekonomıst, saıası ekonomıka pániniń oqytýshysy bolǵan. Ár jyldary Jambyl oblysy ákiminiń orynbasary, «Shaǵyn kásipkerlikke qoldaý kórsetý qory» JAQ basqarmasynyń tóraǵasy, QR Tabıǵı monopolııalardy retteý agenttiginiń tóraǵasy, Pavlodar oblysynyń ákimi, QR ekonomıkalyq damý jáne saýda mınıstri, «Nur Otan» HDP-nyń tóraǵasynyń birinshi orynbasary, QR Premer-Mınıstri, QR Memlekettik hatshysy syndy mańyzdy laýazymdarda eńbek etken.

12 maýsym kúni QR Parlamenti Senatynyń otyrysynda depýtattar Qazaqstan Respýblıkasynyń Prezıdentine Ulttyq qaýipsizdik komıtetiniń tóraǵasy etip Kárim Másimovti taǵaıyndaýyna kelisim berdi.

Kárim Másimov 1965 jyly Tselınograd (qazirgi Nur-Sultan) qalasynda dúnıege kelgen. 1985 jyly Máskeýdegi P.Lýmýmba atyndaǵy Halyqtar dostyǵy ýnıversıtetinde arab fılologııasy boıynsha bilim aldy. 1988 jyly Beıjińde Til bilimi ınstıtýtynda oqyǵan. 1991 jyly Qytaıdaǵy Ýhan zań ýnıversıtetin, 1995 jyly Qazaq memlekettik Basqarý akademııasyn bitirgen. 1999 jyly Kolýmbııa ýnıversıtetinde (Nıý-Iork) top-menedjerler daıarlaý baǵdarlamasynan ótken. Qazaq, orys, aǵylshyn, qytaı, arab tilderin erkin meńgergen. Bul taǵaıyndaýǵa deıin, K. Másimov 13-shi QR Ulttyq qaýipsizidk komıtetiniń tóraǵasy bolǵan.

Elimizdegi eń ózekti salalardyń biri bolyp sanalatyn QR Bilim jáne ǵylym mınıstrligine jańa basshy taǵaıyndaldy. Prezıdent Jarlyǵymen bul orynǵa Ashat Aımaǵambetov bekitildi.

Ashat Qanatuly Aımaǵambetov 1982 jyly 14 maýsymda Qaraǵandy oblysynda dúnıege keldi. 2003 jyly E. Bóketov atyndaǵy QarMÝ tarıh fakýltetin «tarıhshy, tarıh pániniń muǵalimi» mamandyǵy boıynsha támamdaǵan. 2006 jyly - Qaraǵandy «Bolashaq» aktýaldy bilim berý ınstıtýtynyń zań fakýltetin «quqyqtaný» mamandyǵy boıynsha aıaqtaǵan. Eńbek jolyn 2002 jyly E. Bóketov atyndaǵy QarMÝ-den bastaǵan, 2004-2005 jyldary «Ańsar» jastar lıgasy» QB tóraǵasy bolǵan, 2005-2006 jyldary «MEDIA SP» JShS dırektory, 2006-2012 jyldary - E. Bóketov atyndaǵy QarMÝ saıasattaný jáne áleýmettaný kafedrasynyń oqytýshysy, aǵa oqytýshysy, dotsenti retinde qyzmet atqarǵan. 2012-2014 jyldary Nura aýdany ákiminiń áleýmettik máseleler jónindegi orynbasary qyzmetin atqarǵan. 2014 jylǵy aqpan aıynan bastap 2017 jylǵy tamyzǵa deıin - Qaraǵandy oblysy bilim berý basqarmasynyń basshysy laýazymynda boldy. 2017-2019 jyldary Qazaqstan Respýblıkasy bilim jáne ǵylym vıtse-mınıstri boldy. Sońǵy taǵaıyndalýǵa deıin 2019 jyldyń qańtarynan bastap Qaraǵandy oblysy ákiminiń orynbasary qyzmetin atqardy.

Sonymen birge, QR Konstıtýtsııasynyń 87-baby 5-tarmaǵyna sáıkes jańadan saılanǵan QR Prezıdenti qyzmetine kiriskende Nur-Sultan, Almaty, Shymkent qalalarynyń jáne oblys ákimderiniń ókilettigi toqtatylady. Bul týraly Prezıdent arnaıy qaýly jarııalady jáne Nur-Sultan qalasynyń jańa ákimin taǵaıyndady.

Elordanyń ákimi laýazymyna Batys Qazaqstan oblysynyń ákimi bolǵan Altaı Kólginov bekitildi.

Altaı Seıdiruly Kólginov 1978 jyly dúnıege kelgen. Ol A.ıAsaýı atyndaǵy halyqaralyq qazaq-túrik ýnıversıtetin, QR Prezıdenti janyndaǵy memlekettik basqarý akademııasyn, «Bolashaq» baǵdarlamasy boıynsha Ulybrıtanııanyń Aberdın ýnıversıtetin bitirgen. Memlekettik jáne jergilikti basqarý magıstri, halyqaralyq kommertsııalyq quqyq magıstri atanǵan. 2000 jyly Qazaqstan Respýblıkasynyń Qarýly kúshterinde qyzmet etken. 2001-2008 jyldary QR Ádilet Mınıstrligi, Memlekettik qyzmet isteri Agenttigi jáne Bas prokýratýra organdarynda ár túrli laýazymda qyzmet atqarady. 2008-2010 jyldary - «AlashMedıaGrýpp» JShS bas dırektorynyń orynbasary. 2010-2012 jyldary QR Prezıdenti Ákimshiliginiń aımaqtyq-uıymdastyrý jáne memlekettik baqylaý jumystary bóliminiń memlekettik ınspektory qyzmetin atqardy. 2012-2013 jyldary Batys Qazaqstan oblysy ákiminiń orynbasary. 2013-2016 jyldary Oral qalasynyń ákimi qyzmetinde boldy. 2016 jyldyń 26 naýryzynan Batys Qazaqstan oblysynyń ákimi bolǵan.

Tıisinshe, Batys Qazaqstan oblysynyń ákimi qyzmetine Altaı Kólginovtyń birinshi orynbasary bolǵan Ǵalı Esqalıev taǵaıyndaldy.

Ǵalı Esqalıev 1970 jyly týǵan, bilimi joǵary. Batys Qazaqstan agrarlyq ýnıversıtetin «ekonomıka», Halyqaralyq bıznes akademııasyn «menedjment» mamandyǵy boıynsha bitirgen. Ár jyldary «Turan-Álem bank» AQ Oral qalasyndaǵy fılıalynda maman, bólim basshysy, «Temirbank» AQ fılıalynyń dırektory, BQO Kásipkerlikti qoldaý jáne damý departamentiniń dırektory, «Qazaqstan damý banki» AQ atqarýshy dırektory, vıtse-prezıdenti, basqarma tóraǵasy, Jambyl oblysy ákiminiń orynbasary, Aqtóbe oblysy ákiminiń orynbasary, Astana qalasy ákimdigi qalalyq Ortany regeneratsııalaý basqarmasynyń basshysy, Batys Qazaqstan oblysy ákiminiń birinshi orynbasary bolyp jumys istegen.

Óńirlik taǵaıyndaýlar arasynda Mańǵystaý oblysyn da atap ótýge bolady. Prezıdent Jarlyǵymen Mańǵystaý oblysynyń ákimi bolyp Serikbaı Trumov taǵaıyndaldy.

Serikbaı Telgenuly 1964 jyly Gýrev oblysynda týǵan. 1992 jyly ınjener-qurylysshy mamandyǵy boıynsha V.I.Lenın atyndaǵy Qazaq polıtehnıkalyq ınstıtýtyn támamdady. 1981-1990 jj. - «Mańǵyshlaqaýylqurylys-12» tresinde ártúrli qyzmetterde bolǵan; 1990-1994 jj. - «Mańǵyshlaqaýylqurylys-12» tresinde uıymdastyrý bóliminiń meńgerýshisi; Qazaqstan LKJO Fort-Shevchenko qalalyq komıtetiniń birinshi jáne ekinshi hatshysy, oqý-óndiristik kombınatynyń oqytýshysy; 1994-1995 jj. - Túpqaraǵan aýdandyq máslıhatynyń bas mamany; 1995-2004 jj. - «Túpqaraǵan» JShS jetekshi ınjeneri, bólim bastyǵy, dırektory; 2004-2006 jj. - Mańǵystaý oblysy Túpqaraǵan aýdanynyń ákimi; 2006-2008 jj. - Mańǵystaý oblysy ákiminiń orynbasary; 2008-2012 jj. - Mańǵystaý oblysy Túpqaraǵan aýdanynyń ákimi; 2012-2015 jj. - Mańǵystaý oblysy Jańaózen qalasynyń ákimi; 2015 jyldyń 10 shildesinen bastap - Aqtaý qalasynyń ákimi. 2017 jyldan Mańǵystaý oblystyq maslıhattyń hatshysy bolǵan.

Aptanyń taǵy bir basty jańalyǵy - Memlekettik qyzmet isteri jáne sybaılas jemqorlyqqa qarsy is-qımyl agenttiginiń ekige bólinýi boldy. Agenttikti basqarǵan Alık Shpekbaev QR Sybaılas jemqorlyqqa qarsy is-qımyl agenttiginiń tóraǵasy laýazymynda qaldy.

Al Memlekettik qyzmet isteri agenttiginiń tóraıymy bolyp Anar Jaıylǵanova taǵaıyndaldy.
Anar Jaıylǵanova 1969 jyly 10 shildede Shyǵys Qazaqstan oblysy Shar aýdany Belterek aýylynda týǵan. 1986 jyly Belterek aýylynyń orta mektebin támámdap, osy jyly S.M. Kırov atyndaǵy Qazaq memlekettik ýnıversıtetiniń zań fakýltetine túsip, 1991 jyly úzdik aıaqtady. 1999 jylǵy jeltoqsanda Qazaqstan Respýblıkasy Prezıdenti Ákimshiliginiń memlekettik-quqyqtyq bóliminiń aǵa sarapshysy laýazymyna aýysty. 2000 jylǵy qyrkúıekte Qazaqstan Respýblıkasy Joǵarǵy Soty Tóraǵasynyń keńesshisi, 2004 jylǵy jeltoqsanda Qazaqstan Respýblıkasy Joǵarǵy Sotynyń sýdıasy bolyp qyzmet atqardy. 2008 jyly 13 naýryzda Qazaqstan Respýblıkasy Parlament Senatynyń Qaýlysymen Qazaqstan Respýblıkasy Konstıtýtsııalyq Keńesiniń múshesi bolyp taǵaıyndaldy. 2002 jyly «Qazaqstan Respýblıkasynda sot qyzmetin uıymdastyrý-quqyqtyq qamtamasyz etý» taqyryby boıynsha kandıdattyq dıssertatsııasyn qorǵady.

Odaq bólek, QR Prezıdentiniń Іs basqarýshysy bolyp Erlan Battaqov taǵaıyndaldy.

Erlan Erkenuly Battaqov 1969 jyly Qaraǵandy qalasynda dúnıege kelgen. 1992 jyly Qaraǵandy polıtehnıkalyq ınstıtýtyn qurylys ónimderin óndirý mamandyǵy boıynsha támamdaǵan. 1997 jyly Qazaqstan Respýblıkasy Memlekettik statıstıka komıteti men Eńbek mınıstrliginiń Respýblıkalyq salaaralyq biliktilikti joǵarylatý ınstıtýtynda «býhgalterlik esep jáne aýdıt» mamandyǵyn meńgergen. Eńbek jolyn 1992 jyly Qaraǵandy polıtehnıkalyq ınstıtýtynda qurylys buıymdary men konstrýktsııalar óndirisi kafedrasynyń zertteýshi qyzmetkeri bolyp bastaǵan. 1995 jyly «Alataý Invest» ınvestıtsııalyq óndiristik qorynyń bas mamany. 1996 jyly QR Ulttyq baǵaly qaǵazdar jónindegi komıssııasy Baǵaly qaǵazdar naryǵyn retteý basqarmasynyń mamany, baǵaly qaǵazdar naryǵyndaǵy kásibı qyzmetti lıtsenzııalaý bóliminiń bastyǵy laýazymyn atqarǵan. 1996-2007 jyldary «Azyq-túlik kelisim-shart korporatsııasy» AQ-nyń bas mamany, bólim bastyǵy, basqarma bastyǵy, qarjylyq dırektory. 2007-2008 jyldary QR Prezıdenti Іs Basqarmasynyń bıýdjettik baǵdarlamalardy josparlaý jáne qarjylandyrý bólimi qarjy - taldaý sektorynyń meńgerýshisi. 2008-2010 jyldary QR Prezıdenti Іs Basqarmasynyń bıýdjettik baǵdarlamalardy josparlaý jáne qarjylandyrý bóliminiń meńgerýshisi. 2010-2012 jyldary QR Prezıdentiniń Іs Basqarmasy qarjy-ekonomıkalyq bóliminiń meńgerýshisi. 2012 jyldyń qyrkúıeginen bastap QR Prezıdenti Іs Basqarýshysynyń orynbasary bolǵan.

QR Premer-Mınıstriniń birinshi orynbasary - QR Qarjy mınıstriniń buıryǵymen oblystar men Nur-Sultan, Almaty jáne Shymkent qalalary boıynsha Ekonomıkalyq tergeýler departamentteriniń basshylary taǵaıyndaldy. Jańa basshylardyń kandıdatýralary QR Prezıdentiniń janyndaǵy Quqyq qorǵaý organdaryndaǵy kadr saıasaty máseleleri jónindegi komıssııa jáne QR Premer-mınıstrimen kelisildi.

Bizdiń kanalymyzǵa jazylyńyz:

Basty sózder: Taǵaıyndaý, Basqa memorgandar,
Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT