+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Qazaqstandaǵy týrızmdi qalaı damytýǵa bolady

2019 jylǵy 19 qyrkúıek 13:47
Bólisińiz:
Qazaqstandaǵy týrızmdi qalaı damytýǵa bolady

NUR-SULTAN. QazAqparat - Azııa-Tynyq muhıty elderiniń saıahat qaýymdastyǵynyń bas dırektory Marıo Hardı Qazaqstandaǵy týrızmdi damytý boıynsha keńes berdi, dep habarlaıdy QazAqparat tilshisi.

Uqsas jańalyqtar
Aqtoty Raıymqulova Dúnıejúzilik týrızm uıymynyń bas hatshysymen kezdesti Helsınkı, Tallın, Tashkent, Qazan merleri týrızmdi damytý jóninde keńes berdi Elordaǵa UNWTO týrıstik forýmynyń alǵashqy delegattary keldi

«Týrızmdi damytý úshin eń aldymen vızasyz rejım tizimindegi elderdiń sanyn arttyrý qajet. Ekinshiden, marketıngke kóńil bólý mańyzdy. Týrısterge ashyq, qolaıly memlekettiń bar ekenin barlyq jerde nasıhattaý qajet. Bul meniń Qazaqstanǵa úshnshi saparym jáne munda kórýge turarlyq oryndardyń kóp ekenin bilemin. Qazaqstanda taý-shańǵy kýrorty bar, biregeı mádenıet, dámdi taǵamdar - osynyń barlyǵyn týrısterge aqparat retinde jetkizý kerek. Sizderdiń usynatyn erekshelikterińiz kóp», - dedi Marıo Hardı PATA Travel Mart 2019 forýmynda ótken baspasóz máslıhatynda.

Onyń aıtýynsha, kórmege qatysatyn vetnamdyq týrıstik operatorlardyń biri Qazaqstanǵa bir apta buryn keldi.

«Olar Qazaqstannyń kórikti oryndaryn aralap, qarym-qatynas ornatyp úlgergen jáne Qazaqstanǵa tórt charterlik reıs ashýǵa ýaǵdalasqan. Sizderde týrıstik alǵysharttar jetkilikti, tek kóbirek nasıhattaý kerek. Infraqurylymdy damytyp, naryq qatysýshylarynyń básekege qabilettigin arttyrǵan jón», - dedi RATA basshysy.

«Kazakh Tourism» AQ ókilderiniń aıtýynsha, 2025 jylǵa deıin Qazaqstandaǵy týrızmdi damytý baǵdarlamasy qabyldanǵan. Onda ınfraqurylymdy jaqsartý sharalaryna erekshe kóńil bólingen.

Eske sala ketsek, TMD aýmaǵynda alǵash ret Nur-Sultanda PATA Travel Mart 2019 Azııa-Tynyq muhıty elderiniń halyqaralyq týrıstik kórmesi ashyldy. Oǵan Azııa-Tynyq muhıty aımaǵy elderiniń 250-den astam týrıstik kompanııasy qatysýda. Kórme aıasynda Tax Free Qazaqstannyń týrısterge salyqsyz júıesi iske qosylady.


Bizdiń kanalymyzǵa jazylyńyz:

Basty sózder: Nur-Sultan, Týrızm, Qoǵam,
Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT