+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Qazaqstandaǵy taǵy bir ýnıversıtet lıtsenzııasynan aıyrylýy múmkin

2021 jylǵy 21 shilde 10:39
Bólisińiz:
Qazaqstandaǵy taǵy bir ýnıversıtet lıtsenzııasynan aıyrylýy múmkin

NUR-SULTAN. QazAqparat - Shet tilder jáne iskerlik karera ýnıversıteti bas lıtsenzııadan aıyrylý aldynda tur. QR BǴM Bilim jáne ǵylym salasyndaǵy sapany qamtamasyz etý komıtetiniń qaıta tekserý jumystary osyndaı nátıje kórsetti.

Uqsas jańalyqtar
ShQO mektepterinde bolashaq ınjenerlerdi daıyndaıtyn bolady

Buryn joǵary oqý ornynda profılaktıkalyq baqylaý júrgizildi. Nátıjesinde, tekserý paraǵynyń 46 tarmaǵynan 39 tarmaǵy boıynsha buzýshylyqtar anyqtaldy. Ýnıversıtetke sáıkessizdikterdi joıý úshin ýaqyt berildi, alaıda qaıta tekserý jumystary joǵary oqý orny bilim berý qyzmetiniń sapasyn jaqsartý úshin qajetti jumysty júrgizbegenin kórsetti.

«Biz elimizde bilim berý sapasy men kadrlar daıarlaýdy jaqsartý úshin joǵary oqý oryndarynda tekserýler júrgizemiz. Eger ýnıversıtetter qajetti talaptarǵa saı bolmasa, onda erteń bilimi men biliktiligi tómen, eńbek naryǵyna jumys berýshilerdiń suranystaryna sáıkes kelmeıtin mamandar shyǵady. Bul rette joǵary oqý oryndaryna buzýshylyqtardy joıýǵa ýaqyt beremiz, alaıda olar kemshiliktermen jumys júrgizbeıdi. Osyǵan baılanysty keıinirek qatań sharalar qoldanýǵa týra keledi. Ýnıversıtetterdiń oqý jaǵdaılaryn, bilim berý baǵdarlamalaryn jáne tutastaı alǵanda, stýdentterdi belgili bir mamandyqtarǵa oqytýǵa degen kózqarasyn jaqsartýy úshin bul óte mańyzdy. Áıtpese, joǵary oqý oryndary sapaly bilim emes, tek dıplomdar beretin bolady. Mysaly, Shet tilder jáne iskerlik karera ýnıversıtetinde bilim berý sapasyn qamtamasyz etýdiń ishki júıesi qalyptaspaǵan. Bilim berý baǵdarlamalaryn, jeke oqý josparlaryn taldaý belgili bir pánder boıynsha kredıtterdi ıgerýde úlken aıyrmashylyqtardy kórsetti. Tıisinshe, bilim alýshylar pánderdi tolyq kólemde meńgermeıdi. Oqytý nátıjeleri boıynsha stýdentterdiń 90%-y shekti deńgeıden óte almady. Oqý protsesinde tipti eń tómengi belgilengen talaptarǵa sáıkes kelmeıtin eskirgen kompıýterler qoldanylady. Beıindik magıstratýra túlegine ǵylymı-pedagogıkalyq baǵyttaǵy magıstr dárejesin berý boıynsha buzýshylyqtar da anyqtaldy. Memlekettik attestattaý komıssııasynyń sheshimimen bir jyldyq magıstratýra túlegine eki jyldyq magıstr dárejesi berildi. Bular joǵary oqý ornynda anyqtalǵan buzýshylyqtardyń az ǵana bóligi», – dedi QR BǴM Bilim jáne ǵylym salasyndaǵy sapany qamtamasyz etý komıtetiniń basqarma basshysy Elvıra Saparbekova.

Anyqtalǵan buzýshylyqtarǵa baılanysty Komıtet Shet tilder jáne iskerlik karera ýnıversıteti lıtsenzııasynyń qoldanylýyn toqtatty. Budan ári bas lıtsenzııadan aıyrý jáne joǵary oqý ornyn jabý boıynsha jumys júrgiziletin bolady.

Zańnamaǵa sáıkes lıtsenzııanyń qoldanylýy toqtatyla turǵan jaǵdaıda stýdentter ýnıversıtettiń anyqtalǵan buzýshylyqtardy joıýyn kútpeı-aq, basqa joǵary oqý oryndaryna aýysa alady.

Talapkerlerdi oqýǵa túsý úshin joǵary oqý oryndaryn tańdaýda jaýapkershilikpen qaraýǵa shaqyramyz.

Eske salsaq, buǵan deıin Shymkentte eki ýnıversıtet bas lıtsenzııasynan aıyrylyp, jabyldy.
Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT