+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Qazaqstandaǵy súttiń 50 paıyzy Keden Odaǵynyń tehreglamentterine saı emes

2018 jylǵy 4 jeltoqsan 15:46
Bólisińiz:
Qazaqstandaǵy súttiń 50 paıyzy Keden Odaǵynyń tehreglamentterine saı emes

ASTANA. QazAqparat - Qazaqstandaǵy súttiń 50 paıyzy Keden Odaǵynyń tehnıkalyq reglamentteriniń talaptaryna saı kelmeıdi. Bul týraly búgin Qazaqstan sút odaǵynyń dırektory Vladımır Kojevnıkov aıtty, dep habarlaıdy QazAqparat tilshisi.

«Búgingi kúni jeke sharýa qojalyqtarynan, tipti fermerlik sharýashylyqtardan óńdeýge keletin súttiń 90 paıyzy mıkrobıologııalyq kórsetkishteri men somatıkalyq jasýshasy boıynsha Keden odaǵynyń tehnıkalyq reglamentteri talaptaryna saı kelmeıdi. Al qaıta óńdeýge keletin shıki ónimniń jalpy kólemindegi mundaı súttiń úlesi 50 paıyzdy quraıdy. 2020 jyldyń 1 qańtarynan bastap sútti qaıta óńdeıtin kásiporyndar atalǵan ónimderdi standartty kúıge jetkizýge tehnıkalyq múmkinshiligi jetip tursa da qabyldaı almaıdy», - dedi ol.

Osyǵan oraı onyń sózine qaraǵanda, 2019 jyly bıznes memleketitk organdarmen birlesip, Eýropalyq qaıta qurý jáne damý banki men Azyq-túlik jáne aýyl sharýashylyǵy uıymynyń (FAO) birlesken jobasy aıasynda qaýipsizdik standarttaryna ári Keden odaǵynyń talaptaryna jaýap beretin sút óndirisiniń kólemin arttyrý sharalaryn ázirleýi qajet.

«Qazaqstandyq sút salasynyń bolashaǵy negizinen óńdeýge jetkiziletin shıkizattyń qaýipsizdi men sapasyna baılanysty. Bizdiń qalyptasqan jaǵdaıdy túzetýge ýaqytymyz joq. Búginde basty mindet - barlyq sanıtarlyq-veterınarlyq talaptardy saqtaıtyn jáne Keden Odaǵynyń tehnıkalyq reglamentterine sáıkes keletin sút shıkizatyn jetkizetin uıym arqyly ǵana sút ónimderin daıyndaýdy qamtamasyz etý», - V.Kojevnıkov.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT