+7 (701) 759 90 19
USD 381.10 EUR 420.81
RUB 5.65 CNY 54.57
Jańalyqtar

Qazaqstandaǵy sheteldik kólikter qylmys quralyna aınalyp ketip jatyr - ІІM

2020 jylǵy 21 qańtar 16:33
Bólisińiz:
Qazaqstandaǵy sheteldik kólikter qylmys quralyna aınalyp ketip jatyr - ІІM

NUR-SULTAN. QazAqparat – QR Іshki ister mınıstriniń birinshi orynbasary Marat Qojaev quqyq qorǵaýshylar nelikten Armenııa men Qyrǵyz Respýblıkasynan ákelingen kólikterdi tirkeýge shaqyryp jatqanyn aıtyp berdi, dep habarlaıdy QazAqparat tilshisi.

Uqsas jańalyqtar
Onlaın-kazıno ashqan almatylyq 2,5 mln teńge aıyppul tóleıtin boldy Almatyda tasymaldaýshy kompanııalar «Sergek» aıyppulyn tólemeıdi SQO-da 81 jastaǵy áıeldi aldaǵan jalǵan balger el aýmaǵynan shyǵaryldy

«Sheteldik kólikterdi tirkeý talaby burynnan bar. Qazaqstanǵa ákelingen sheteldik kez kelgen qoldanystaǵy kólik tirkelý kerek. Bul – jol júrý erejesiniń bir normasy. 2014 jyly jol júrý erejesine tolyqtyrý engizilip, atalǵan elderden satylyp alynyp kelgen kólikterdi mindetti túrde tirkeý erejesi bekitildi. Sol sebepti qazirgi ýaqytta elde eshqandaı jańadan normatıvti qujattar qabyldanyp jatpaǵanyn atap ótkim keledi. Sonymen birge, ákelingen kólikterdi tirkeý boıynsha jańa normatıvter engizilip jatqan joq. Óz ıeligi boıynsha kólik satyp alǵan kez kelgen azamat avtokólikti arnaıy HQO-ǵa baryp tirkeýi kerek», - dedi Marat Qojaev Ortalyq kommýnıkatsııalar qyzmetinde ótken baspasóz máslıhatynda.

Vıtse-mınıstr kólikti tirkeý úshin jeke kýálik, avtokóliktiń ıeligine qatysty qujat, sonymen birge barlyq salyqtar men bajdardyń tólengeni týraly anyqtama kerektigin aıtady. Sondaı-aq, kólik Qazaqstanda jáne EAEO aýmaǵynda bekitilgen erejelerge sáıkes, tehnıkalyq talaptarǵa saı bolýy tıis.

«Biz nege Armenııa, Qyrǵyz Respýblıkasy nemese Reseıden ákelingen kólikterdi tirkeýge shaqyra bastadyq? Birinshiden, bul rette tıisti esep júrgizip, kóliktik tártip pen azamattardyń qaýipsizdigi oılandyryp otyr. QR UQK Shekara qyzmetiniń málimetine sáıkes, elde keıingi úsh jylda EAEO elderinen 200 myńǵa tarta kólik Qazaqstanǵa kirgizilgen. Biraq olardyń bári túgel tirkelmegen. Kóbi tranzıtpen kirse, birshama bóligi osynda jumysqa kelgen azamattarǵa tıesili bolyp otyr. Tek 40 myńy ǵana zańdy túrde tirkelgen. Qalǵan kólikterdiń bárin bizdiń azamattar bekitilgen quqyqtyq mehanızmden tys paıdalanyp keledi», - dedi ol.

Marat Qojaevtyń aıtýynsha, atalǵan kólikter polıtsııa esebinde kimdiki ekeni belgisiz bolǵandyqtan, azamattar sanaly túrde jol erejesin buzyp, jol ústindegi basqa jolaýshylar men júrgizýshilerge qater tóndirip keledi.

«Mundaı kólikterdiń birazymen azamattar tasymaldanyp, olar adamdardyń ómiri men densaýlyǵyna qaýip tóndiredi. 2018 jylmen salystyrǵanda 2019 jyly sheteldik kólik quraldarynyń qatysýymen jol erejesiniń buzylý jaǵdaıy úsh jarym ese – 27 myńnan 93 myńǵa deıin ósken. Onyń ústine sheteldik kólik mingen qazaqstandyqtardyń qatysýymen ótken jyly 1800 jol-kólik oqıǵasy tirkelip, onyń 1400-de iri shyǵyn keltirilgen. 428 jol apaty jaǵdaıynda 132 adam qaıtys bolyp, 528 adam jaraqat aldy», - dedi ol.

Vıtse-mınıstr ótken jyldyń qazan aıynan bastap saqtandyrý bazasynan atalǵan kólikter boıynsha aqparat alýǵa qol jetkizilgenin atap ótti.

«Bul jaǵdaıdy retteýge úlesin qosqanymen, máseleni tolyq sheshe almaıdy. Ekinshiden, sheteldik kólikter qylmys jasaý pıǵylyndaǵy adamdar úshin asa yńǵaıly bolyp tur. 2019 jyly 400 quqyqbuzýshylyq sheteldik kólikti paıdalaný arqyly jasaldy. Olardyń 335-i kólikti urlaýǵa qatysty bolsa, 60 qylmys kisi óltirýden urlyqqa deıingi dárejede jasalyp otyr. ІІM bazasynda ol kólikter týraly aqparat bolmaǵandyqtan, ondaı kólikterdi tabý aıtarlyqtaı problema týǵyzady. Sondaı-aq, bazada bolmaǵandyqtan, kólik ıesi óziniki ekenin kóp jaǵdaıda dáleldeı de almaıdy», - dedi ol.

Keı jaǵdaıda qylmyskerler qylmys jasaý úshin ádeıi dál sheteldik nómirmen tirkelgen kólikterdi tańdap alatyn kórinedi.

«Máselen, Pavlodar oblysynda úsh otandasymyz arnaıy reseılik nómirli VAZ 2106 kóligin satyp alyp, jergilikti bıznesmenge qaraqshylyq shabýyl jasaǵan. Osydan keıin osy «shesterkany» órtep, dálel-dáıekterdiń báriniń kózin qurtqan. Ókinishke qaraı, mundaı qylmystardyń sany azaımaı tur», - dedi ol.


Bizdiń kanalymyzǵa jazylyńyz:

Basty sózder: Qylmyspen kúres, Zań, QR ІІM, Kólik,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT