+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Qazaqstandaǵy ınternet-alaıaqtyq: qarjy retteýshisi qandaı sharalar qabyldady

2021 jylǵy 15 maýsym 14:21
Bólisińiz:
Qazaqstandaǵy ınternet-alaıaqtyq: qarjy retteýshisi qandaı sharalar qabyldady

ALMATY. QazAqparat- QR ІІM krımınaldyq polıtsııasynyń derekteri boıynsha, bıyl ınternet-alaıaqtyqtyń tirkelgen oqıǵalarynyń sany ótken jylmen salystyrǵanda 3392-den 8464-ke deıin ósti, dep habarlaıdy QazAqparat tilshisi.

Uqsas jańalyqtar
SQO-da aýyl turǵyny ınternet-alaıaqtardyń quryǵyna túsip, 2 mln teńgesinen aıyryldy Qylmystyq-atqarý júıesi medıtsınalyq qamtamasyz etý qyzmeti DSM-ǵa beriledi Qazaqstanda turmystyq zorlyq-zombylyq kórgenderdi tatýlastyrý alynyp tastalýy múmkin

Alaıaqtardyń keń taralǵan quraldarynyń biri azamattarǵa olardyń qatysýynsyz onlaın-kredıtterdi resimdeý.

Máselen, Soltústik Qazaqstan oblysynda áleýmettik jelilerden qujattarynyń joǵalǵany týraly habarlandyrýdy taýyp, sol azamattardyń qujatynyń kóshirmelerin paıdalanyp 50 urlyq jasaǵan alaıaq ustaldy. Qostanalyq áıel jeke kýálikterdiń fotosýretterin paıdalana otyryp, jergilikti turǵyndardyń atyna olardyń qatysýynsyz taýarlyq onlaın-kredıtter resimdegen.

QR Qarjy naryǵyn retteý jáne damytý agenttigi ádisnama jáne prýdentsııalyq retteý departamentiniń dırektory Dáýren Sálimbaevtyń aıtýynsha, agenttik 2020-2021 jyldary mıkroqarjy uıymdary bergen jalǵan kredıtterge monıtorıng júrgizdi. 2021 jyldyń basynan bastap mıkrokredıttermen alaıaqtyq operatsııalardy boldyrmaý maqsatynda qadaǵalaý sharalary qabyldandy.

«Birinshiden, 2021 jylǵy aqpanda Agenttik mıkroqarjy uıymdaryna (MQU) qatysty mıkrokredıtti bıometrııalyq sáıkestendirýsiz nemese elektrondyq tsıfrlyq qoltańba arqyly sáıkestendirýsiz elektrondyq tásilmen berýdi toqtatýǵa nusqama berdi. Qosymsha zardap shekken azamattardy qorǵaý úshin MQU alaıaqtyq tásilmen alynǵan mıkrokredıtter boıynsha syıaqy men aıypaqy esepteýdi toqtatty. Bul oqıǵalar týraly aqparat zardap shekken qazaqstandyqtardyń kredıttik tarıhyn túzetý úshin kredıttik bıýroǵa jiberildi», - dedi Dáýren Sálimbaev.

Onyń aıtýynsha, 2021 jylǵy naýryzda Agenttik onlaın-qaryz beretin barlyq MQU-lardy klıenttiń ózi ekendigin naqty tekserýdi jáne rastaýdy, onyń derekterin ótinimde kórsetilgen derektermen salystyrýdy, klıenttiń naqty bıometrııalyq derekteriniń jeke basyn kýálandyratyn qujattarda kórsetilgen derekterge sáıkestigin qamtamasyz etýdi, sondaı-aq klıenttiń mıkrokredıt alýǵa erik bildirýin tirkeýdi mindettedi.

Qabyldanǵan sharalar 2021 jylǵy 4 aıda ótken jyldyń osyndaı kezeńimen salystyrǵanda jalǵan mıkrokredıtter berý jaǵdaılary 3,6 esege tómendegenin kórsetti.

«Júıeli negizde mıkrokredıttermen alaıaqtyqqa jol bermeý úshin Agenttik aǵymdaǵy jylǵy 30 sáýirde onlaın-mıkrokredıtter berý kezinde qaryz alýshylardy ıdentıfıkattaýdyń jańa tártibin engizdi. Endi qaryzdardy alý úshin azamatty ıdentıfıkattaý tek elektrondyq tsıfrlyq qoltańba arqyly QR Ulttyq bankiniń sáıkestendirý derekterimen almasý ortalyǵynyń servısin paıdalana otyryp, bıometrııalyq ólshemderge sáıkes kelý nemese derbes derekterdi jáne qaryz alýshynyń beınesin shynaıy ýaqyt rejıminde eki faktorly tekserý arqyly júzege asyrylýy múmkin. Mıkrokredıt berý qupııasyn quraıtyn aqparatqa zańsyz qol jetkizý anyqtalǵan jaǵdaıda, MQU eki jumys kúni ishinde sebepteri men saldaryn joıý úshin sharalar qabyldaýǵa mindetti ekenin atap ótý mańyzdy», - dep qorytyndylady departament dırektory


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT