Qazaqstandaǵy eki uıaly baılanys kompanııasy baǵany negizsiz ósirdi dep tergelip jatyr
2022 jylǵy 30 maýsym 16:10

Qazaqstandaǵy eki uıaly baılanys kompanııasy baǵany negizsiz ósirdi dep tergelip jatyr

ALMATY. QazAqparat - 17 maýsymda Almaty qalasy boıynsha monopolııaǵa qarsy departamenti «Ksell» AQ men «Mobaıl Telekom-Servıs» JShS-ǵa qatysty monopolııalyq joǵary baǵa belgileý boıynsha tergeý bastady, dep habarlaıdy QazAqparat.

«Ksell» AQ-ǵa qatysty: Azamattardyń uıaly baılanys operatorlarynyń baǵa ósimine jıi júginýine baılanysty Básekelestikti qorǵaý jáne damytý agenttigi 2020-2021 jyldary uıaly baılanys jáne mobıldi ınternet qyzmetteriniń tarıfterin taldady. Quramyna «Ksell» AQ jáne «Mobaıl Telekom-Servıs» JShS kiretin «Qazaqtelekom»AQ tobynyń (35% astam) ústem jaǵdaıy anyqtaldy.

«Ksell» AQ taldaý kezeńinde uıaly baılanys (orta eseppen 756 teńge) jáne mobıldi ınternet (orta eseppen 1765 teńge) qyzmetterine eń joǵary baǵa belgiledi.

Mysaly, birqatar operatorlarda uıaly baılanys qyzmetterine eń tómengi baǵa orta eseppen 332 teńgeni, mobıldi ınternet qyzmetterine - orta eseppen 1022 teńgeni qurady.

Monopolııaǵa qarsy zańnamany buzý belgileriniń anyqtalýyna baılanysty, uıaly baılanys jáne ınternet qyzmetterine monopolııalyq joǵary baǵalardy belgileý belgileri boıynsha «Ksell» AQ-ǵa qatysty tergep-tekserý bastaldy.

«Mobaıl Telekom-Servıs» JShS-ǵa qatysty: 2020-2021 jyldary SMS-taratý qyzmetteri naryǵyndaǵy baǵa monıtorınginiń qorytyndysy boıynsha Agenttik basqa baılanys operatorlarymen salystyrǵanda «Mobaıl Telekom-Servıs» JShS-nyń baǵa ósirgenin anyqtady.

Baılanys operatorlary 2021 jyly 2020 jylmen salystyrǵanda SMS-taratý tarıfterin orta eseppen 14,03%-ǵa arttyrǵan.

Bul rette, eń joǵary ortasha baǵa «Qazaqtelekom» AQ tobyna kiretin «Mobaıl Telekom-Servıs» JShS-da jáne «KaR-Tel» JShS-men salystyrǵanda «Ksell» AQ operatorlarynda tirkeldi.

Baǵanyń eń joǵary ósim qarqyny «Mobaıl Telekom-Servıs» JShS men «Ksell» AQ-da tirkeldi.

SMS-taratý qyzmetine monopolııalyq joǵary baǵa belgileý belgileri boıynsha «Mobaıl Telekom-Servıs» JShS qatysty tergep-tekserý bastaldy.


Sýret: smi24.kz
Seriktester jańalyqtary

Jańalyqtar

Úrdis

MURAǴAT