+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qazaqstandaǵy apta ishindegi kadrlyq taǵaıyndaýlar

2020 jylǵy 12 shilde 14:05
Bólisińiz:
Qazaqstandaǵy apta ishindegi kadrlyq taǵaıyndaýlar

NUR-SULTAN. QazAqparat – Osy apta Prezıdenttiń ózi aralasyp, tıisti nusqaý bergen kadrlyq aýys-túıistermen este qalatyn boldy. Kadrlyq jańashyldyqtar apta basynda «Qazaqfılm» kınostýdııasynan bastalyp, kóptiń nazaryna ilingen MÁMS qory men «SK-Farmatsııa» kompanııalarymen aıaqtaldy, dep habarlaıdy QazAqparat tilshisi.

Uqsas jańalyqtar
BQO jerdiń paıdalanylýy men qorǵalýyn baqylaý basqarmasyna jańa basshy keldi Dáýren Sábıtov EEK Kólik jáne ınfraqurylym departamentiniń dırektory bolyp taǵaıyndaldy Sáken Sársenov QR Іshki ister mınıstriniń orynbasary qyzmetine taǵaıyndaldy

Ótip bara jatqan aptada Mádenıet jáne sport mınıstriniń buıryǵymen Sháken Aımanov atyndaǵy «Qazaqfılm» AQ prezıdent bolyp Aqan Sataev taǵaıyndaldy. Aıta keteıik, bul qyzmetti buǵan deıin Arman Asenov atqarǵan bolatyn.

Aqan Qarǵambaıuly Sataev 1971 jyly Qaraǵandy qalasynda dúnıege kelgen. 1994 jyly Almaty qalasyndaǵy T. Júrgenov atyndaǵy Qazaq ulttyq óner akademııasynyń kıno jáne televıdenıe fakýltetin təmamdaǵan. 2003 jyly «Sataifilm» stýdııasynyń negizin qalap, 2007 jyly «Reketır» atty alǵashqy tolyqmetrajdy fılmin, «Adasqan» mıstıkalyq trıllerin (2009), «Aǵaıyndy» serıalyn (2009), «Lıkvıdator» psıhologııalyq dramasyn (2011), «Jaýjúrek Myń bala» tarıhı fılmin (2012) túsirgen. Sondaı-aq «Raıony» krımınaldyq dramasy men «Anaǵa aparar jol» tarıhı dramasynyń (2016), «Bıznesmeny» (2018), «Tomırıs» (2019) jəne taǵy basqa týyndylardyń rejısseri. 2014 jyly kınoındýstrııa salasynyń úzdik ókili retinde «Halyq súıiktisi» ulttyq syılyǵyna ıe boldy. 2016 jyly jas rejısserlerdi qoldaýǵa baǵyttalǵan Astana Film Found qorynyń negizin qalaǵan.

Sonymen birge osy aptada eki mınıstrdiń orynbasary ornyn bosatty. QR Úkimetiniń qaýlysymen Narıman Nurlanuly Muqyshev QR eńbek jáne halyqty áleýmettik qorǵaý vıtse-mınıstri laýazymynan ketti.

Narıman Muqyshev 1984 jyly 9 mamyrda Qaraǵandy oblysynda dúnıege kelgen. Súleımen Demırel atyndaǵy ýnıversıtetti, Halyqaralyq bıznes akademııasyn támamdaǵan. Eńbek jolyn 2006 jyly bastaǵan. Ár jyldary kommertsııalyq qurylymdarda jumys istegen. 2014 jylǵy qarasha aıynan bastap 2018 jylǵy maýsym aıyna deıin «Qazposhta» AQ basqarýshy dırektory qyzmetin atqardy. 2018 jylǵy maýsym aıynda QR eńbek jáne halyqty áleýmettik qorǵaý vıtse-mınıstri bolyp taǵaıyndalǵan.

Sol sekildi QR Úkimetiniń qaýlysymen Mádına Serikqyzy Júnisbekova QR ulttyq ekonomıka vıtse-mınıstri laýazymynan bosatyldy.

Mádına Júnisbekova Almaty qalasynda dúnıege kelgen. M. V. Lomonosov atyndaǵy MMÝ, Parıj I Panteon – Sorbonna ýnıversıtetin, Panteon-Assas ýnıversıtetin támamdaǵan. Eńbek jolyn 2010 jyly bastaǵan. Kommertsııalyq sektorda, QR Prezıdenti Ákimshiligi Basshysynyń Hatshylyǵynda jáne QR Premer-Mınıstri Keńsesinde jumys istedi. Ulttyq ekonomıka vıtse-mınıstri laýazymyna 2018 jylǵy sáýir aıynda kelgen.

Mádına Júnisbekovanyń ornyna QR Úkimetiniń qaýlysymen Aıgúl Amantaıqyzy Shaıymova Qazaqstan Respýblıkasy Ulttyq ekonomıka vıtse-mınıstri laýazymyna taǵaıyndaldy.

Aıgúl Shaıymova 1979 jyly Aqmola oblysynyń Marınovka aýylynda dúnıege kelgen. L. Gýmılev atyndaǵy Eýrazııa ýnıversıtetin, Qarjy polıtsııasy akademııasyn, RF Prezıdenti janyndaǵy Reseı halyq sharýashylyǵy jáne memlekettik qyzmet akademııasyn támamdaǵan. Ár jyldary QR Qarjy polıtsııasy agenttiginde, Ekonomıkalyq qylmysqa jáne sybaılas jemqorlyqqa qarsy kúres agenttiginde, QR Bas prokýratýrasynda jumys istedi. 016 jylǵy qyrkúıek aıynan bastap 2019 jylǵy shildege deıin Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary qyzmetin atqardy. 2019 jylǵy shildeden bastap Mádına Serikqyzy Júnisbekovanyń oqý demalysy kezeńinde Qazaqstan Respýblıkasy ulttyq ekonomıka vıtse-mınıstri qyzmetin atqarǵan.

Prezıdenttiń Úkimettiń keńeıtilgen otyrysynda bergen tapsyrmasyna sáıkes «SQ-Farmatsııa» JShS Basqarma tóraǵasy Berik Shárip pen «Áleýmettik medıtsınalyq saqtandyrý qory» KEAQ Basqarma tóraǵasy Aıbatyr Jumaǵulov qyzmetinen bosatyldy.

Olardyń ornyna búgin ǵana jańa basshylar keldi. Atap aıtqanda QR Premer-Mınıstriniń kelisimimen Erhat Esqalıev «SQ-Farmatsııa» JShS basqarma tóraǵasy qyzmetine kelse, Medıtsınalyq saqtandyrý qorynyń basshysy bolyp Bolat Tókejanov keldi.

Sondaı-aq osy aptada Atyraý qalasy ákiminiń jańa orynbasary bolyp Samat Embergen taǵaıyndaldy. Ol 1979 jyly týǵan. 2000 jyly H.Dosmuhamedov atyndaǵy Atyraý memlekettik ýnıversıtetinen «Tarıh pániniń muǵalimi» mamandyǵyn, al 2007 jyly «Zańger» mamandyǵyn alǵan. 2005 jyldan beri memlekettik qyzmette istep keledi. Osy taǵaıyndaýǵa deıin Atyraý qalalyq ishki saıasat bóliminiń basshysy boldy. Atyraý qalasy ákiminiń burynǵy orynbasary Ulyqbek Tinálıev basqa jumysqa aýysýyna baılanysty qyzmetinen óz erkimen bosatylǵan.

Al Jambyl oblysy ákiminiń ókimimen Qudaıbergen Qorǵanbaev Energetıka jáne turǵyn úı-kommýnaldyq sharýashylyq basqarmasynyń basshysy bolyp taǵaıyndaldy. Qudaıbergen Nurserikuly Qorǵanbaev 1984 jyly Taraz qalasynda dúnıege kelgen, bilimi joǵary. 2006 jyly M.H.Dýlatı atyndaǵy Taraz memlekettik ýnıversıtetin «Injener» mamandyǵy boıyna támamdaǵan. Eńbek jolyn 2008 jyly Jambyl oblysy ákimdiginiń energetıka jáne turǵyn úı-kommýnaldyq sharýashylyq basqarmasy bóliminde bas maman bolyp bastaǵan.

2018 jyldan bastap Jambyl oblysy ákimdiginiń energetıka jáne turǵyn úı-kommýnaldyq sharýashylyq basqarmasy basshysynyń orynbasary qyzmetin atqaryp keldi.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT