+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Qazaqstandaǵy apta ishindegi kadrlyq taǵaıyndaýlar

2019 jylǵy 17 qarasha 14:40
Bólisińiz:
Qazaqstandaǵy apta ishindegi kadrlyq taǵaıyndaýlar

NUR-SULTAN. QazAqparat – «QazAqparat» halyqaralyq aqparat agenttigi nazarlaryńyzǵa el astanasy men óńirlerdegi basty aýys-túıister jaıly apta qorytyndysyn usynady.

Uqsas jańalyqtar
Qarqaraly aýdanyna jańa ákim taǵaıyndaldy Aqtóbede «Nur Otan» partııasy oblystyq fılıaly tóraǵasynyń birinshi orynbasary taǵaıyndaldy Pavlodar oblysynyń Baıanaýyl aýdanyna jańa ákim taǵaıyndaldy

Aptanyń basynda Qorǵanys mınıstriniń buıryǵy boıynsha Qazaqstan Qarýly kúshteri Bas shtaby bastyǵynyń orynbasary bolyp QR QK BSh Tárbıe jáne ıdeologııalyq jumystar departamentiniń bastyǵy 1-dárejeli kapıtan Serik Borambaev taǵaıyndaldy.

Serik Jaqsyǵalıuly Kıev joǵarǵy áskerı-teńiz polıtehnıkalyq ýchılıesiniń, QR RF Áskerı ýnıversıtetiniń, QR RF Áskerı ýnıversıteti janyndaǵy adıýnktýrasynyń, QR Ulttyq qorǵanys ýnıversıteti janyndaǵy akademııalyq kýrstardyń túlegi. Qyzmet jolyn Kaspıı flotynyń korablder kúzeti dıvızıony saıası bólimniń komsomoldyq jumystar jónindegi bastyǵynyń kómekshisinen bastaǵan. Ár jyldary Atyraý oblystyq áskerı komıssarıatynda Áskerı-teńiz ınstıtýty bastyǵynyń orynbasary, QR QK Áskerı-teńiz basqolbasshysynyń orynbasary qyzmetin atqardy.

Al Túrkistan oblysynyń ákimi Ómirzaq Shókeevtiń ókimimen Túrkistan oblysy tabıǵı resýrstar jáne tabıǵat paıdalanýdy retteý basqarmasynyń basshylyǵyna Qaırat Amankeldiuly Ábdýálıev keldi.

Qaırat Amankeldiuly 1968 jyly Túlkibas aýdanynda týǵan. Bilimi joǵary, ǵalym agronom, zańger. Eńbek jolyn 1986 jyly Túlkibas aýdany Kırov atyndaǵy kolhozynyń «Altyn araı» jastar komsomol brıgadasynyń shopany retinde bastaǵan. Memlekettik qyzmetti ótkerýdi 1999 jyly Túlkibas aýdany ákimi apparaty aımaqtyq damý jáne kadrlarmen jumys bóliminiń bas mamany laýazymynda bastaǵan. 2001-2004 jyldary Ońtústik Qazaqstan oblysy jer resýrstaryn basqarý jónindegi komıteti Túlkibas aýdanynyń ókili-bas mamany jáne tóraǵasy laýazymyn atqardy. 2004-2010 jyldary aralyǵy QR AShM Túlkibas aýdandyq aýmaqtyq basqarmasynyń bastyǵy, ósimdikter karantıni jónindegi memlekettik ınspektsııa bóliminiń bastyǵy, ınspektsııa bastyǵynyń orynbasary jáne bastyǵy qyzmetterin atqarǵan. 2010 jyldan beri Túlkibas jáne Saryaǵash aýdandarynyń ákimi laýazymdaryn atqaryp kelgen.

Sonymen birge, Qaraǵandy oblystyq Ekonomıka basqarmasynyń jańa basshysy bolyp Azamat Muqanov keldi.

Azamat Muqanov 1976 jyly Qaraǵandy oblysynyń Aqtaý kentinde dúnıege kelgen. 1997 jyly E. A. Bóketov atyndaǵy Qaraǵandy memlekettik ýnıversıtetin «Marketıng jáne kommertsııa» mamandyǵy boıynsha bitirgen. Kásibı býhgalter jáne memlekettik aýdıtor sertıfıkattary bar. Eńbek jolyn 1997 jyly «Valıýt-Tranzıt Bank» AAQ saýda operatsııalary basqarmasynyń mamany bolyp bastaǵan.

2009-2012 jyldar aralyǵynda Qaraǵandy oblysy ákimi apparaty basshysynyń orynbasary laýazymyna taǵaıyndaldy. 2012-2013 jyldary «Qaraǵandy oblysynyń ekonomıka jáne bıýdjettik josparlaý basqarmasy» MM bastyǵy boldy. 2014-2016 jyldary QR Kólik jáne kommýnıkatsııa mınıstrligi ishki baqylaý basqarmasynyń basshysy qyzmetin atqardy. 2016-2019 jyldary QR Investıtsııalar jáne damý mınıstrliginde ártúrli laýazymdardy atqardy. Jańa taǵaıyndaýǵa deıin QR Indýstrııa jáne ınfraqurylymdyq damý mınıstrligi Kadr jumysy departamentiniń dırektory bolyp jumys istedi.

Qaraǵandy oblysynda sondaı-aq, Taýarlar men kórsetiletin qyzmetterdiń sapasy men qaýipsizdigin baqylaý departamentine jańa basshy keldi.

Ol 2006-2008 jyldar aralyǵynda Temirtaý qalasynda basqarmany basqardy. 2013-2014 jyldar aralyǵynda QR Densaýlyq saqtaý mınıstrligi Memlekettik sanıtarlyq-epıdemıologııalyq qadaǵalaý komıtetiniń Qaraǵandy oblysy boıynsha departamenti basshysynyń orynbasary laýazymyna kiristi. 2014 jyly QR Densaýlyq saqtaý mınıstrligi Memlekettik sanıtarlyq-epıdemıologııalyq qadaǵalaý komıtetiniń Qaraǵandy oblysy boıynsha departamentiniń bas memlekettik sanıtarlyq dárigeri boldy. 2014 jyldan bastap 2018 jylǵa deıin Qaraǵandy oblystyq medıtsınalyq kómek stantsııasynyń dırektory qyzmetin atqardy. 2018 jyly «QR Densaýlyq saqtaý mınıstrliginiń Respýblıkalyq sanıtarlyq avıatsııa ortalyǵy» RMK Almaty boıynsha ókildiginiń dırektory bolyp taǵaıyndaldy. Jańa taǵaıyndaýǵa deıin Saran ortalyq aýrýhanasynyń dırektory bolyp jumys istegen.

Aýys-túıis Aqtóbe oblysynda da boldy. Óńirdegi oblystyq ekonomıkalyq tergeý departamentine Jeńis Elemesov taǵaıyndaldy. 41 jastaǵy Jeńis Elemesov joǵary bilimdi. T. Rysqulov atyndaǵy Qazaq ekonomıkalyq ýnıversıteti, Qazaq memlekettik zań akademııasy, Reseı halyq sharýashylyq jáne RF Prezıdenti janyndaǵy Memlekettik qyzmet akademııalarynyń túlegi. Eńbek jolyn Almaty oblysy boıynsha qarjy polıtsııasynyń ekonomıkalyq qylmystardy anyqtaý basqarmasynda ınspektor bolyp bastaǵan.

Almaty oblysy boıynsha ekonomıkalyq qylmysqa jáne sybaılas jemqorlyqqa qarsy kúres departamenti ekonomıkalyq jáne qarjylyq qylmystardy ashý basqarmasynyń bólim basshysy, Astana qalasy boıynsha ekonomıkalyq qylmysqa jáne sybaılas jemqorlyqqa qarsy kúres departamenti arnaıy basqarma basshysynyń orynbasary – jedel qyzmet bóliminiń basshysy, Astana qalasy boıynsha qarjy polıtsııasy bastyǵynyń orynbasary, Qarjy mınıstrliginiń memlekettik kirister komıteti sotqa deıingi tergeý, Qarjy mınıstrliginiń Qarjylyq monıtorıng komıtetiniń tergeý departamentterniń basshysy bolyp qyzmet atqarǵan.

Oblysta sol sekildi «Aqtóbe» áleýmettik-kásipkerlik korporatsııasynyń tóraǵasy bolǵan Rýslan Mamýnov oblys ákiminiń orynbasary qyzmetine keldi.

«39 jastaǵy Rýslan Maratuly Mamýnov Aqmola oblysynda týǵan. QazTutynýOdaǵynyń ekonomıkalyq ýnıversıtetinde, Qazaq gýmanıtarlyq zań ýnıversıtetinde bilim aldy. Edınbýrg qalasyndaǵy «Shotlandııa menedjment jáne marketıng mektebiniń ekonomıst, zańger, MVA korporatıvtik basqarý mamandyqtary boıynsha támamdaǵan. Eńbek jolyn Aqmola oblysy Aqkól aýdandyq Salyq komıtetinde maman bolyp bastaǵan. «QazMunaıGaz» AQ menedjer, bas menedjer, Qoǵamnyń enshiles kompanııalarynda departament dırektory, «Qazaqstan Temir Joly» UK» AQ ınvestıtsııalyq jobalar jáne kúrdeli qurylys bóliminiń basshysy, «KazSatNet» AQ kelisimsharttar bóliminiń basshysy, «Aqtóbe» áleýmettik-kásipkerlik korporatsııasynyń tóraǵasy qyzmetterin atqardy», - dep habarlady oblys ákiminiń baspasóz qyzmeti.

Ekologııa, geologııa jáne tabıǵı resýrstar mınıstrliginiń buıryǵymen «Ohotzooprom» ÓB» respýblıkalyq memlekettik qazynalyq kásipornynyń basshylyǵyna Marlen Aınabekov taǵaıyndaldy.

Marlen Aınabekov buǵan deıin mınıstrliktiń Orman sharýashylyǵy jáne janýarlar dúnıesi komıteti tóraǵasynyń orynbasary qyzmetin atqaryp kelgen. Osy salada zor tájirıbesi bar.

Elordada qalalyq Tótenshe jaǵdaılar departamentiniń basshysy bolyp azamattyq qorǵanys polkovnıgi Baýyrjan Syzdyqov taǵaıyndaldy. Baýyrjan Mádıuly Syzdyqov 1973 jyly 14 maýsymda burynǵy Shymkent oblysy Bógen aýdany Zadarıa aýylynda dúnıege kelgen. 2000 jyly Qazaq memlekettik medıtsına ýnıversıtetin (gıgıenıst-epıdemıolog dáriger), 2010 jyly RF TJM Azamattyq qorǵanys akademııasyn, 2019 jyly «Sınergııa) Máskeý qarjy-ónerkásip ýnıversıtetin zańger magıstri dárejesimen támamdaǵan.

2001 jyldan beri azamattyq qorǵanys organdarynda jumys isteıdi. Eńbek jolyn Ońtústik Qazaqstan oblysy TJB aǵa ofıtseri bolyp bastaǵan. 2010-2012 jyldary QR TJM Azamattyq qorǵanys departamenti Halyqty jáne aýmaqty qorǵaý basqarmasynyń bastyǵy, 2012-2014 jyldary QR TJM Aqtóbe oblystyq TJD bastyǵynyń orynbasary, 2014-2015 jyldary QR ІІM Aqtóbe oblystyq TJD bastyǵynyń orynbasary, 2015 jylǵy aqpannan - Aqtóbe oblystyq TJD bastyǵy boldy.

Bizdiń kanalymyzǵa jazylyńyz:

Basty sózder: Taǵaıyndaý, Basqa memorgandar,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT