+7 (701) 759 90 19
USD 376.16 EUR 406.18
RUB 5.90 CNY 53.60
Jańalyqtar

Qazaqstandaǵy apta ishinde bolǵan jańa kadrlyq taǵaıyndaýlar

2020 jylǵy 26 qańtar 16:17
Bólisińiz:
Qazaqstandaǵy apta ishinde bolǵan jańa kadrlyq taǵaıyndaýlar

NUR-SULTAN. QazAqparat - Ótken aptada elimizdegi birqatar salada kadrlyq aýys-túıis boldy. «QazAqparat» HAA apta ishinde bolǵan taǵaıyndaýlarǵa sholý jasaıdy.

Uqsas jańalyqtar
Premer-Mınıstr Keńsesi basshysynyń jańa orynbasary taǵaıyndaldy Jambyl oblysy prokýrorynyń birinshi orynbasary taǵaıyndaldy Maıra Meldebekova QR BǴM Mektepke deıingi jáne orta bilim komıtetiniń tóraǵasy boldy

Apta basynda Shymkent qalasynyń ákimi bolyp Murat Áıtenov taǵaıyndaldy.

Murat Dúısenbekuly Áıtenov 1981 jyly 30 qazanda Ońtústik Qazaqstan oblysy Jetisaı qalasynda dúnıege kelgen. 2004 jyly S.M. Shtemenko atyndaǵy Krasnodar áskerı ınstıtýtyn «Uıymdastyrý jáne aqparatty qorǵaý tehnologııasy» mamandyǵy boıynsha bitirgen. 2011 jyly Qaztutyný odaǵynyń Qaraǵandy ekonomıkalyq ýnıversıtetin «zańtaný» mamandyǵy boıynsha aıaqtaǵan.

Eńbek jolyn Astana qalasynda 2004 jyly QR Qorǵanys mınıstrligi janyndaǵy arnaıy baılanys bóliminiń kezekshilik aýysymynyń aǵa ınjener-bastyǵy bolyp bastaǵan. 2006-2008 jyldary - QR PІB «Astana-Ónim» AQ sharýashylyq aýlasynyń meńgerýshisi. 2008-2010 jyldary - QR PІB vedomstvolyq qarasty uıymdardy basqarý jónindegi bólimniń óndiristik qyzmetti úılestirý sektorynyń sarapshysy. 2010-2012 jyldary - Qazaqstan Respýblıkasy Prezıdenti Іs basqarmasynyń resmı is-sharalar jáne syrtqy baılanystar bólimi meńgerýshisiniń orynbasary. 2012-2013 jyldary - Qazaqstan Respýblıkasy Prezıdenti Іs basqarmasynyń resmı is-sharalar jáne syrtqy baılanystar bóliminiń meńgerýshisi. 2013-2016 jyldary Qazaqstan Respýblıkasy Prezıdenti Іs basqarmasynyń apparat basshysy laýazymyna taǵaıyndaldy. 2017-2019 jyldary QR Prezıdenti Іs basqarýshysynyń orynbasary 2019 jylǵy jeltoqsannan beri Shymkent qalasy ákiminiń birinshi orynbasary bolǵan.

***

Ábilqaıyr Sqaqov Pavlodar oblysynyń ákimi bolyp taǵaıyndaldy.

Ábilqaıyr Sqaqov 1974 jyly Pavlodar oblysynda týǵan. Aqmola qarjy-ekonomıkalyq tehnıkýmyn (salyq boıynsha qarjyger, 1995 jyl); Shákárim atyndaǵy Semeı memlekettik ýnıversıtetin (ekonomıst jáne qarjyger, 2000 jyl); Qazaq quqyqtaný jáne halyqaralyq qatynastar ınstıtýtyn (bakalavr-zańger, 2004 jyl); M. V. Lomonosov atyndaǵy Máskeý memlekettik ýnıversıtetin («Master of Business Administration» iskerlik ákimshilik sheberiniń dárejesi,2017 jyl) aıaqtaǵan. Eńbek ótili: - 1995 jyldan 2005 jylǵa deıin - Pavlodar oblysy boıynsha salyq ınspektsııasynyń mamany, salyq ınspektory, aǵa salyq ınspektory, bólim bastyǵy, Pavlodar qalasy boıynsha Salyq komıteti tóraǵasynyń orynbasary; - 2005-2006 jyldary - Pavlodar oblysy Qashyr aýdany boıynsha Salyq komıtetiniń tóraǵasy; - 2006-2008 jyldary - Pavlodar oblysy Densaýlyq saqtaý departamenti dırektorynyń orynbasary (ekonomıka jáne qarjy boıynsha); - 2008-2010 jyldary - Pavlodar oblysy boıynsha Salyq departamentiniń Pavlodar qalasy boıynsha salyq basqarmasynyń bastyǵy; - 2010-2012 jyldary - Qostanaı oblysy boıynsha Salyq departamentiniń bastyǵy: - 2012-2014 jyldary - Qazaqstan Respýblıkasy Qarjy mınıstrliginiń Salyq komıteti tóraǵasynyń orynbasary; - 2014 jyldan 2016 jylǵa deıin - Astana qalasy boıynsha Memlekettik kirister departamentiniń basshysy; - 2016 jylǵy 1 jeltoqsannan – 2019 jyldyń sáýirine deıin – Qorǵanys mınıstriniń orynbasary (ekonomıka jáne qarjy boıynsha). - 2019 jyldyń sáýirinen sońǵy taǵaıyndaýǵa deıin QR Qarjy mınıstrligi Qarjy monıtorıngi komıtetiniń tóraǵasy bolǵan.

***

Qostanaı oblysy ákiminiń ókimimen Azamat Sovhozbaıuly Kashıev Qostanaı oblysy ákimdiginiń aqparattandyrý, memlekettik qyzmetter kórsetý jáne arhıvter basqarmasynyń basshysy bolyp taǵaıyndaldy.

Azamat Kashıev 1986 jyly 29 tamyzda Qostanaı oblysynda dúnıege kelgen. Joǵary bilimi bar. Buryn Fedorov aýdany ákiminiń orynbasary qyzmetin atqardy. Aıta ketý kerek, Azamat Kashıev Prezıdenttik Jastar kadrlyq rezervine engen úsh júz úmitkerdiń qataryna kirdi. Arhımed Muhambetov basqarmanyń jańa basshysyna memlekettik qyzmet kórsetý men aqparattandyrý salasynyń jumysyn jandandyrýdy tapsyrdy.

***

Qazaqstannyń Ekologııa, geologııa jəne tabıǵı resýrstar mınıstrligi qyzmetkerleriniń qataryna Prezıdenttik kadr rezervinen 3 adam taǵaıyndaldy.

Ekologııalyq retteý jəne baqylaý komıteti Nur-Sultan qalasy Ekologııa departamenti basshysy qyzmetine Dəýren Ǵanıbekuly Qazantaev taǵaıyndaldy. Ol 2005 jyly T. Rysqulov atyndaǵy Qazaq ekonomıkalyq ýnıversıtetin ekonomıst-halyqaralyq qatynastar mamandyǵy boıynsha bitirgen. Buryn Qazaqstannyń Energetıka mınıstrligi basshysynyń keńesshisi bolǵan.

Qazaqstannyń Ekologııa mınıstrligi Klımattyq saıasat jəne jasyl tehnologııalar departamenti dırektory orynbasary bolyp L. Gýmılev atyndaǵy Eýrazııa ulttyq ýnıversıteti gýmanıtarlyq ǵylymdar magıstri Zúlfııa Bolatqyzy Súleımenova keldi. Z. Bolatqyzy Ulttyq saıası zertteýler ınstıtýtynyń (Japonııa) Phd dərejesin almaq. Buryn ol BUU Azııa jəne Tynyq muhıty, Bangkok (Taıland) elderine arnalǵan Ekonomıkalyq jəne Əleýmettik Komısııa Qorshaǵan orta jəne damý departamentiniń ekologııalyq məseleleri jónindegi konsýltanty bolǵan.

Qazaqstannyń Ekologııa, geologııa jəne tabıǵı resýrstar mınıstrligi Əkimshilik jumys departamentiniń dırektory bolyp Akzan Rashıdovıch Shıranov taǵaıyndaldy. Ol 2005 jyly N. E. Baýman atyndaǵy Məskeý memlekettik tehnıkalyq ýnıversıtetin bitirgen. Taǵaıyndalýǵa deıin Qazaqstannyń Energetıka mınıstriniń kómekshisi qyzmetin atqarǵan. Qazaqstannyń Ekologııa, geologııa jəne tabıǵı resýrstar mınıstri Maǵzum Myrzaǵalıev Prezıdenttik kadrlyq rezerv quramyna ený zor qurmet pen jaýapkershilik ekenin atap ótti.

***

Prezıdenttik kadr rezerviniń taǵy bir múshesi Nursultan Baıtilesov Joǵarǵy Sot apparaty basshysynyń orynbasary bolyp taǵaıyndaldy.

N.Baıtilesov 1991 jyly týǵan. M.Áýezov atyndaǵy Ońtústik Qazaqstan memlekettik ýnıversıtetin «quqyqtaný» mamandyǵy boıynsha, Óńirlik áleýmettik-ınnovatsııalyq ýnıversıtetin «ekonomıka jáne bıznes» mamandyǵy boıynsha bitirgen. Zań ǵylymdarynyń magıstri. 2009 jyldan bastap Astana qalasy Almaty aýdandyq sotynyń jetekshi mamany, bas maman-sot otyrysynyń hatshysy, sot prıstavy, bas mamany, Atyraý, Pavlodar oblystyq sottarynyń keńsesi basshysynyń orynbasary, Joǵarǵy Sot janyndaǵy Sottardyń qyzmetin qamtamasyz etý departamentiniń bas konsýltanty bolyp qyzmet atqarǵan. 2016 jyldan bastap 2018 jylǵa deıin – Áskerı sot ákimshisiniń basshysy, QR Joǵarǵy Soty janyndaǵy Sottardyń qyzmetin qamtamasyz etý departamentiniń Halyqaralyq baılanystar jáne Protokol bólimi meńgerýshisiniń orynbasary. Osy taǵaıyndaýǵa deıin Shymkent qalasynyń Sottar ákimshisiniń basshysy boldy.

Sondaı-aq, Prezıdenttiń jastar kadr rezerviniń múshesi Ardaq Ótepov QR Indýstrııa jáne ınfraqurylymdyq damý mınıstrligi Azamattyq avıatsııa komıteti tóraǵasynyń orynbasary bolyp taǵaıyndaldy.

Ardaq Ótepov buǵan deıin «Qazaeronavıgatsııa» respýblıkalyq memlekettik kásipornynyń strategııalyq josparlaý basqarmasy bastyǵynyń orynbasary qyzmetin atqardy.

Ótepov Ardaq Tóltaıuly 1984 jyly Tselınograd (Nur-Sultan) qalasynda dúnıege kelgen. Týǵan qalasynda Basqarý ınstıtýtyn, Almatydaǵy Azamattyq avıatsııa akademııasyn, QR Prezıdenti janyndaǵy Memlekettik basqarý akademııasyn jáne AQSh-tyń Kalıfıornııa ýnıversıtetin támamdaǵan. Óziniń eńbek jolyn 2007 jyly Azamattyq avıatsııa komıtetiniń ushý qaýipsizdigin memlekettik qadaǵalaý basqarmasynyń avıatsııalyq qaýipsizdik bóliminiń jetekshi mamany bolyp bastaǵan. 2010-2011 jyldary basqarma sarapshysy, sosyn 2014 jylǵa deıin halyqaralyq qatynastar basqarmasynyń bastyǵy boldy. 2014-2018 jyldary «Qazaeronavıgatsııa» RMK strategııalyq josparlaý jáne sapa departamentiniń ǵylymı-tehnıkalyq aqparat bólimine basshylyq etti. 2018 jyldan qazirgi ýaqytqa deıin «Qazaeronavıgatsııa» RMK strategııalyq josparlaý basqarmasy bastyǵynyń orynbasary laýazymynda boldy.


Bizdiń kanalymyzǵa jazylyńyz:

Basty sózder: Taǵaıyndaý,
Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT