+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qazaqstandaǵy AQSh Elshiligi toǵyzqumalaqtan jarys uıymdastyrmaq

2020 jylǵy 10 tamyz 18:58
Bólisińiz:
Qazaqstandaǵy AQSh Elshiligi toǵyzqumalaqtan jarys uıymdastyrmaq

NUR-CULTAN. QazAqparat – AQSh-tyń Qazaqstandaǵy Elshisi Ýılıam Mozer qazaqstandyqtardy Abaı kúni merekesimen quttyqtady. Bul týraly QazAqparat Elshilikke silteme jasap habarlaıdy.

«Asa qurmetti qazaqstandyqtar! Sizderdi ózgeshe, jóni bólek merekemen shyn júrekten quttyqtaımyn! Búgin – Abaı kúni merekesi! Bul mereke – rýhanııat pen mádenıettiń, poezııanyń, Abaı Qunanbaıuly salǵan jaqsy dástúrdiń jańǵyrýy, jalǵasýy. Biz keleshekte de Elshilikte Abaı kúnin atap ótý úshin, Abaı dástúrin jańǵyrtqymyz keledi. Abaı aqyn Toǵyzqumalaq oınaǵan. Mine, jyl saıyn Toǵyzqumalaqtan jarys uıymdastyrmaq oıymyz bar. Odan keıin, mindetti túrde dastarhan basynda jınalyp, baýyrsaq pen qymyzdy ortaǵa salyp, dombyra shertip, Abaı ánderin aıtamyz. Abaıdyń qara sózderin oqyp, taldaımyz. Abaı armandaǵan «Kemel adam tárbıeleý » – adamzattyń paryzy. Osyny qazirgi pandemııa jaǵdaıy da qatty túsindirip otyr», - delingen Elshiniń quttyqtaýynda.

Sonymen qatar, Almatydaǵy AQSh Bas Konsýly Erık Maıer de uly Abaıdyń mereıtoıyna arnalǵan quttyqtaýlarǵa qosylyp, aqynnyń ómirbaıany men shyǵarmashylyǵyn tanyp bilýge degen yntasy jaıynda aıtyp, Abaıdyń «Júrekte qaırat bolmasa» óleńin amerıkalyq áriptesterimen birge oqydy.

Aıta keteıik, ótken aptada áleýmettik jeli qoldanýshylaryn qazaq tilinde oıshyl Abaıdyń shyǵarmashylyǵyn oryndap, oqyrmandardy tánti qylǵan amerıkalyqtar Fulbright Foreign Language Teaching Assistant qatarynan. FLTA- bul AQSh Memlekettik departamentiniń qazaqstandyqtarǵa AQSh-qa baryp, qazaq tilin oqytýǵa múmkindik beretin biregeı baǵdarlamasy. Baǵdarlama kezinde qazaq tilin oqyp, mádenıetimen tanysqan amerıkalyqtar Qazaqstanǵa kelip, aǵylshyn tilin úıretedi.

«Júrek— teńiz, qyzyqtyń bári — asyl tas» óleńin Fýlbraıt baǵdarlamasynyń qatysýshysy, eki jyl boıy AQSh-ta qazaq tilin oqyp, keıin Aqtaýda aǵylshyn tilinen sabaq bergen Abıgaıl oqydy.

«Óleń sózdiń patshasy» atty óleńdi Qazaqstannan Fulbright FLTA baǵdarlamasymen barǵan Qazaqstandyq muǵalim Ǵalııa Dáýlettiń kómegimen tildi úırengen Lıýdvıg oqyp berdi.

«Erekshe esten ketpes qyzyq qaıda?» oqyǵan Brett Vestbrýkke Fulbright FLTA baǵdarlamasy boıynsha barǵan Asem Ijmýhanova sabaq berdi.

«Ǵylym tappaı maqtanba» – Fulbright FLTA stýdentteri Djoshýa Dıýfo men Djessı Ýesso oqydy.

«Júrekte qaırat bolmasa» – Brendıs qazaq tilin jaqynda ǵana oqı bastasa da, asa zeıin qoıyp, tamasha nátıje kórsetip úlgerdi.

«Kózimniń qarasy» ánin shyrqaǵan amerıkalyq Greı Garret, Abaıdyń tanymal ánin ýkýlelede ornap, ony kóptegen elderde shyrqaǵanyn esterińizge taǵy da salamyz.

Qazaqstandaǵy Amerıka Buryshtarynda (American Corner and MakerSpace) da uly Abaıdyń mereıtoıyn atap ótý úshin, aqyn salǵan ádet-dástúrdi, onyń fılosofııasyn jalǵastyrý, jańǵyrtý jáne dáripteýge, Abaıtanýǵa arnalǵan is-sharalar júrgizilip jatyr.



Bizdiń kanalymyzǵa jazylyńyz:

#AQSh   ##Abai175  
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT