Qazaqstandaǵy 7 jolǵa aqyly júıe engizildi
2021 jylǵy 15 qarasha 18:26

Qazaqstandaǵy 7 jolǵa aqyly júıe engizildi

NUR-SULTAN. QazAqparat – 15 qarashasynan bastap respýblıkalyq mańyzy bar 4 jolaqty jeti ýchaskedegi jol aqyly boldy, dep habarlaıdy QazAqparat QazAvtoJolǵa silteme jasap habarlaıdy.

Olarǵa «Nur – Sultan – Pavlodar», «Qapshaǵaı – Taldyqorǵan», «Taraz – Qaınar», «Shymkent – Taraz», «Shymkent – Qyzylorda», «Shymkent – Tashkent», «ýchınsk-Kókshetaý» joldary kirgen.

Aqyly jol júıesin engizý týraly buıryqtar ádilet organdarynda memlekettik tirkeý rásiminen ótti jáne aǵymdaǵy jyldyń 23 qarashasynda zańdy kúshine enedi, sáıkesinshe osy kúnnen bastap jol júrý aqysy alynatyn bolady.

Aqyly joldar boıynsha qyzmet kórsetý ortalyqtary jumys isteı bastady.

Aqyly joldar boıynsha qyzmet kórsetý ortalyqtarynyń ornalasqan jeri:

1. «Qapshaǵaı – Taldyqorǵan», 252+150 shaqyrymda sol jaǵynan (Taldyqorǵan qalasynan shyǵaberiste), Taldyqorǵan qalasynyń aýmaǵynda Qapshaǵaı baǵytynda ornalasqan.

2. «Taraz – Qaınar», 453+300 shaqyrymda oń jaǵynan (Aqsholaq a.), Taraz qalasynan shyǵaberiste Qaınar aýylyna barar baǵytta, Taraz qalasynan 37 shaqyrym jerde ornalasqan.

3. «Shymkent – Qyzylorda», 2127+000 shaqyrymda oń jaǵynan (Iqan a.); Túrkistan qalasynan Shymkent shaharyna shyǵaberiste, Túrkistan qalasynan 15 shaqyrym jerde ornalasqan.

4. «Shymkent – Taraz», 648+500 shaqyrymda oń jaǵynan (Mashat a.), Shymkent qalasynan Taraz shaharyna barar baǵytta, Shymkent qalasynan 28 shaqyrym jerde ornalasqan.

5. «Shymkent – Ózbekstan shekarasy, 792+000 shaqyrymda oń jaǵynan, Atameken aýylynan Shymkent qalasyna barar baǵytta, Shymkent qalasynan 86 shaqyrym jerde ornalasqan.

6. «Nur-Sultan – Pavlodar», 20+400 shaqyrymda sol jaǵynan (Qoıandy a.), Nur-Sultan qalasynan Pavlodar shaharyna barar baǵytta, Nur-Sultan qalasynyń aýmaǵynda ornalasqan.

7. «Nur-Sultan – Pavlodar», 1239+500 shaqyrymda oń jaǵynan (Báıet a.), Pavlodar qalasyna barar baǵytta, Nur-Sultan shaharynan 239 shaqyrym jáne Ekibastuz qalasynan 53 shaqyrym jerde ornalasqan.


Jańalyqtar

MURAǴAT