+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Qazaqstanda zymyran áskerleri men artıllerııa kúni atalyp ótildi

2019 jylǵy 19 qarasha 18:01
Bólisińiz:
Qazaqstanda zymyran áskerleri men artıllerııa kúni atalyp ótildi

NUR-SULTAN. QazAqparat – Qazaqstannyń Qarýly Kúshterindegi zymyran áskerleri jáne artıllerııa búgin kásibı merekelerin atap ótýde, dep habarlaıdy QazAqparat QR Qorǵanys mınıstrligine silteme jasap.

Uqsas jańalyqtar

Zymyran áskerleri jáne artıllerııa - qazaqstandyq áskerde olar qarsylasty atyspen zaqymdaýda tapsyrmalardyń negizgi bólimin oryndaıtyn Qurlyq áskerleriniń negizgi atys kúshi bolyp tabylady.

«Olar Qarýly kúshter Qurlyq áskerleriniń quramyndaǵy joǵary eptilik pen dáldikti talap etetin jeke ásker túri. Ásker taktıkalyq zymyrandardyń quramalarynan, gaýbıtsalyq, zeńbirektik, reaktıvti jáne tankige qarsy qoldanylatyn artıllerııadan, artılllerııalyq barlaýdan, mınaatqysh jáne tankige qarsy bólimshelerden turady.

Atalǵan bólimder men bólimsheler qajetti zymyran men 82-den 300 mm-ge deıingi kalıbrli artıllerııalyq júıe túrlerimen qamtamasyz etilgen», delingen habarlamada.

Máselen, mınaatqyshtar, artıllerııalyq qondyrǵylary, tirkemeli quraldar, «Grad», «Grad-1», «Prıma», «Ýragan» jáne «Smerch» alyp reaktıvti dúrkindetip atý júıeleri, joǵarǵy qýaty 240-mıllımetrlik ózdiginen júretin «Tıýlpan» mınometteri bar. Zymyrandar quramynda «Tochka-Ý» joǵary dáldikti keshenderi, tankige qarsy artıllerııa – MT-12 zeńbirekteri jáne tankige qarsy qoldanatyn «Shtýrm-S» zymyran keshenderi bar. Barlyq osy qarý-jaraq kezkelgen urys túrlerinde jaý oǵynyń zaqymdanýynan qorǵaıtyn negizgi jáne eń tıimdi quraly bolyp tabylady. Sondaı-aq, qazir atysty basqarýdyń avtomattandyrylǵan júıesin engizý boıynsha belsendi jumys júrgizilýde.






Zymyran áskerleri men artıllerııanyń jeke quramy qazaqstandyq jáne halyqaralyq oqý-jattyǵýlarǵa belsendi qatysyp, joǵary deńgeıde jaýyngerlik, dene daıarlyqtary bar ekenin kórsetýde. 2019 jyly áskerı qyzmetshiler «Aıbalta-2019» men RF QK zymyran bólimshelerimen birlesken taktıkalyq oqý-jattyǵýy kezinde mol tájirıbe jınady.

Atalmysh áskerge, ofıtserlik kadrlardy Qurlyq áskerleri Áskerı ınstıtýty men QR Tuńǵysh Prezıdenti – Elbasy atyndaǵy Ulttyq qorǵanys ýnıversıteti daıyndaıdy. Qurlyq áskerleri Áskerı ınstıtýtynyń artıllerııa kafedrasy jyl saıyn 60-qa jýyq artıllerıst-ofıtserdi oqytady. Qazaqstandyq kýrsanttar Sankt-Peterbýrg qalasyndaǵy Mıhaılov áskerı artıllerııalyq akademııada da bilim alýda. Sonymen qatar, jyl saıyn artıllerıst-ofıtserler qataryn Qaraǵandy jáne Almaty polıtehnıkalyq ýnıversıtetteriniń áskerı kafedralar túlekteri tolyqtyrady.

2020 oqý jylynda zymyran áskerleri men artıllerııanyń aldynda jaýyngerlik ázirlikti arttyrý, jaýyngerlik jáne jedel daıyndyqty jetildirý boıynsha jaýapty mindetter tur.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT