+7 (701) 759 90 19 Lenta
USD 386.70 EUR 427.15
RUB 6.06 CNY 54.57
Jańalyqtar

Qazaqstanda zorlyq faktileriniń jıileýine ne sebep

2019 jylǵy 12 qyrkúıek 13:31
Bólisińiz:
Qazaqstanda zorlyq faktileriniń jıileýine ne sebep

NUR-SULTAN. QazAqparat - QR Parlamenti Májilisiniń depýtaty Nurjan Áltaev zorlyq-zombylyq jazasyn kúsheıtý boıynsha QR Qylmystyq Kodeksine qandaı ózgerister usynylǵanyn baıandady, dep habarlaıdy QazAqparat tilshisi.

Uqsas jańalyqtar
Arqalyqtaǵy qyz zorlaý oqıǵasy: Jigitterdiń ata-anasy jábirlenýshige qarsy shaǵymdanbaq Arqalyqtaǵy qyz zorlaý oqıǵasy boıynsha qylmystyq is qaıta qozǵaldy Shymkentte dáriger medbıkeni jumys ornynda zorlady degen kúdikke ilindi

«Qazir qoǵamda áıelder men balalardyń zorlyqqa ushyraý máselesi óte ózekti bolyp otyr. Ókinishke qaraı, sońǵy kezderi mundaı jaǵdaı jıiledi. Jańalyqtardan túrli óńirlerde ásirese balalarǵa zorlyq kórsetilgenin jıi oqımyz. Bul bizdiń ishki ózegimizdi joǵaltyp jatqanymyzdy bildiredi. Qazaq qoǵamynda mundaı jaǵdaı bolmaǵan. Menińshe, qazir zorlyqshylarǵa tym jeńil qaraıtyn tárizdimiz. Buryn olarǵa eń qatań jaza qoldanylatyn. Jaqynda ǵana Táýke hannyń «Jeti jarǵysyn» qaradym, onda zorlyq-zombylyq kisi ólimimen teń sanalǵan jáne aıyptyny ólim jazasyna kesken», - dedi depýtat QR Ádilet mınıstrligi Zań jobalyq qyzmet máseleleri boıynsha vedomstvoaralyq komıssııa otyrysynda.

Spıker keltirgen derekterge sáıkes, 2018 jyly Qazaqstanda 100 myń adamǵa 7,88 zorlyq oqıǵasy tirkelgen jáne TMD elderi arasynda Qazaqstan zorlaý boıynsha kósh bastaǵan.

«Zertteý júrgizgen ózge elderde, máselen Ózbekstanda (0,67), Reseıde (2,3) bul kórsetkish aıtarlyqtaı tómen. Bul bizdegi aýyr qylmys boıynsha jaǵdaıdyń tym múshkil ekenin kórsetip otyr. 2 tamyzdan bastap men zorlyq qurbandarymen, azamattyq belsendilermen jáne zańgerlermen sóılestim. Kezdesýde eldegi zorlyqtyń taralý sebepterin anyqtadyq. Bul - jazanyń jeńil bolýy, odan jaltarý múmkindikteri, zardap shekkenderdi fızıkalyq jáne psıhologııalyq qoldaý tetikteriniń bolmaýy. Osyǵan baılanysty, zorlyq-zombylyq jazasyn kúsheıtý men sotqa deıingi tergeýde, sot otyrysynda zorlyq qurbandaryn qorǵaý boıynsha QR Qylmystyq Kodeksine, QR Qylmystyq-protsessýaldyq kodeksine ózgerister men tolyqtyrýlar engizýdi usyndyq», - dedi N. Áltaev.

Atalǵan zań jobasynda jynystyq qol suqpaýshylyqqa qarsy qylmys jasaýda jeńil jaza taǵaıyndaý múmkindikterin alyp tastaý kózdelgen.

«Sonymen birge, jynystyq qol suqpaýshylyqqa qarsy asa aýyr qylmys jasaǵan adamdy merziminen buryn, shartty túrde bosatý quqyǵyn alyp tastaý, 18 jastan asqan aıyptylarǵa májbúrli hımııalyq kastratsııa jasaý qarastyrylǵan. Mundaı qylmysty aýyr qylmys sanatyna aýystyryp, taraptardyń mámilege kelýi boıynsha jazadan jaltarýyna múmkindik berilmeýi tıis. Jynystyq zorlyq úshin qamaý merzimin uzartý kerek. Kámelet jasqa tolmaǵandarǵa jasalǵan zorlyq úshin aýyrlatatyn mán-jaılarǵa qaraı ómir boıyna abaqtyǵa qamaý, balalarǵa jasalǵan zorlyq úshin - tek qana ómir boıy abaqtyǵa qamaý jazasyn usynamyz», - dedi depýtat.

Bizdiń kanalymyzǵa jazylyńyz:

Basty sózder: Parlament, Zań,
Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT