+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Qazaqstanda jyldyń úzdik hokkeıshisi anyqtaldy

2020 jylǵy 30 qyrkúıek 14:58
Bólisińiz:
Qazaqstanda jyldyń úzdik hokkeıshisi anyqtaldy

NUR-SULTAN. QazAqparat – «Barys» jáne Qazaqstan ulttyq quramasynyń qorǵaýshysy Darren Dıts ekinshi jyl qatarynan eldiń úzdik hokkeıshisi retinde tanyldy, dep habarlaıdy QazAqparat sports.kz portalyna silteme jasap.

Uqsas jańalyqtar
«BEST PAPA» - Qazaqstannyń úzdik ákeleri marapattaldy Astana Open týrnırinde fınalǵa shyqqan tennısshiler belgili boldy Fýtbol: Birinshi lıga oıyndary márege jetti

«Qazaqstannyń úzdik hokkeıshisi» baıqaýynyń dırektoraty kesh bolsa da, 2019/2020 jylǵy maýsym laýreaty anyqtalatyn dástúrli referendýmnyń qorytyndysyn shyǵardy.

Burynǵy dástúr boıynsha, hokkeı týraly jazatyn jáne teledıdarda hokkeı taqyrybyn júrgizetin tilshilerge olardyń kózqarasy boıynsha ótken maýsymda ózderin erekshe tanytqan oıynshylar «úshtigin» ataý usynylǵan. Bul rette jyl hokkeıshisi ataǵyna tek qazaqstandyq sportshylar ǵana emes, otandyq klýbtarda oınaǵan legıonerler de qatysty. Birinshi oryn úshin anketada úsh upaı, ekinshi oryn úshin eki jáne úshinshi orynǵa – bir upaıdan eseptelgen.

Eldiń úzdik hokkeıshisin anyqtaý maqsatynda júrgizilgen suraý 29-shy ret ótkizildi. Buǵan deıin hokkeı maýsymynyń laýreattary arasynda Evgenıı Koreshkov (úsh márte - 1994, 2003, 2006 jj.), Vıtalıı Eremeev (eki márte 2011, 2012 jj.) jáne Roman Starchenko (eki márte 2013, 2015 jj.), jáne Igor Zemlıanoı (1992 j.), Konstantın Shafranov (1993 j.), Andreı Pchelıakov (1995 j.), Andreı Samohvalov (1996 j.), Vladımır Zavıalov (1997 j.), Aleksandr Koreshkov (1998 j.), Dmıtrıı Ýpper (1999 j.), Fedor Polıýk (2000 j.), Vıtalıı Tregýbov (2001 j.), Sergeı Aleksandrov (2002 j.), Anatolıı Fılatov (2004 j.), Vıtalıı Kolesnık (2005 j.), Talǵat Jaılaýov (2007 j.), Andreı Gavrılın (2008 j.), Kevın Dallmen (2009 j.), Dmıtrıı Dýdarev (2010 j.), Brendon Bochenskı (2014 j.), Roman Savchenko (2016 j.), Nıkıta Mıhaılıs (2017 j.), Evgenıı Rymarev (2018 j.) jáne Darren Dıtts (2019 j.) bolǵan.

Maýsymnyń úzdik hokkeıshisin anyqtaıtyn tilshiler referendýmynda Kanadanyń (Medısın-Het) 27 jastaǵy týmasy Darren Dıtts ekinshi jyl qatarynan jeńiske jetti. Sportshy ótken jyly Qazaqstan azamattyǵyn aldy.

Suraý qorytyndysy boıynsha, segiz sholýshy qorǵaýshyny birinshi orynǵa qoısa, jeteýi ekinshi orynǵa jáne taǵy bireýi – úshinshi orynǵa qoıǵan. Somaǵa shaqqan kezde, bul jeńiske jetkizgen 39 upaı ákeldi.

Baıqaýda ekinshi oryndy 28 upaı jınaǵan golkıper Eddı Paskýale aldy. Úshinshi orynda – baıqaýdyń úshinshi júldegeri Nıkıta Mıhaılıs (27 upaı). Úzdikter «bestiginde» sondaı-aq «Barys» ardageri Roman Starchenko (10 upaı) jáne «Torpedoda» maýsymdy jaqsy ótkizgen shabýyldaýshy Evgenıı Rymarev (8 upaı) bar. Saýalnamada úsh klýbta oınaıtyn 16 sportshynyń esimi atalǵan. Olardyń kóbi – «Barys» hokkeıshileri.



Bizdiń kanalymyzǵa jazylyńyz:

#Sport   #Qoǵam  
Bólisińiz:

Avtor:

Zarına Týǵanbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT