+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qazaqstanda jyl basynan avtokólikpen 5,3 mln jolaýshy tasymaldandy

2020 jylǵy 25 maýsym 04:14
Bólisińiz:
Qazaqstanda jyl basynan avtokólikpen 5,3 mln jolaýshy tasymaldandy

NUR-SULTAN. QazAqparat – Tótenshe jaǵdaı rejımi kezinde Qazaqstan 5 memleketpen 117 turaqty avtobýs baǵytyn toqtatyp, 4 eldiń shekarasyndaǵy jeke avtomobıl ótkizetin 20 pýnkt ýaqytsha jabyldy. QazAqparat bul týraly QR Indýstrııa jáne ınfraqurylymdyq damý mınıstrligine silteme jasap habarlaıdy.

Uqsas jańalyqtar

Bıylǵy jyl basynan avtomobıl kóligi salasynda respýblıka ishinde 5,3 mln jolaýshy, 675,3 mln tonna júk tasymaldanǵan. Al halyqaralyq qatynasta 2,3 mln tonna júk tasymaldansa, onyń ishinde: eksport – 640 myń tonna, ımport - 1,7 mln tonna boldy. Sonymen qatar, 380 myń tonna tranzıttik júk tasymaldandy.

«2020 jyldan bastap áleýmettik mańyzdy baǵyttarda qyzmet etetin tasymaldaýshylar qosymsha qun salyǵyn tóleýden 3 jylǵa bosatylady. Osyny kózdeıtin zań jobasy qazirgi kezde Májilistiń qaraýynda.

Búginde avtomobıl tasymaldary salasynda 3,5 myńǵa jýyq kásiporyn júk tasymaldaýmen aınalysady. 1 myńǵa tarta kásiporyn turaqty avtobýs tasymaldaryn júzege asyrady. Olardyń 17,5 myńnan astam avtokóligi bar», - delingen aqparatta.

QR Indýstrııa jáne ınfraqurylymdyq damý mınıstrliginiń álemde COVID-2019 ınfektsııasynyń taralýyna jáne elimizde tótenshe jaǵdaıdyń engizilýine baılanysty jyl basynan qabyldaǵan sharalary:

- Qytaı, Reseı, Qyrǵyzstan, Ózbekstan jáne Mońǵolııamen 117 turaqty avtobýs baǵyty toqtatyldy;

- halyqaralyq turaqty emes jáne tranzıttik jolaýshylar tasymalyna tyıym salynady;

- karantın engizilgen óńirlerge/óńirlerden jolaýshylardy oblysaralyq jáne qalaaralyq tasymaldaý toqtatyldy;

- karantın engizilgen aımaqtarda avtovokzaldar men avtostantsııalardyń jumysy toqtatyldy;

- oblystardyń, Nur-Sultan, Almaty jáne Shymkent qalalary ákimdikterine tótenshe jaǵdaı rejımi kezeńinde óńirlerde avtokólikpen jolaýshylar tasymaldaýdy shekteý boıynsha usynymdar joldandy;

- shet memleketterdiń quzyretti kólik organdaryna halyqaralyq qatynasta júkterdi tasymaldaý kezinde sanıtarlyq is-sharalardy saqtaý qajettigi týraly usynymdar jiberildi;

- Qytaımen, Reseımen, Qyrǵyzstanmen jáne Ózbekstanmen memlekettik shekara arqyly 20 jeke avtomobıl ótkizý pýnkti ýaqytsha jabyldy.
Al halyqaralyq jáne respýblıkaishilik qatynasta júk avtokólik quraldarymen júk tasymaldaýǵa shekteýler engizilmegenin aıta ketý kerek. Qazirgi ýaqytta baǵdarlardyń qysqarýyna nemese toqtatylýyna baılanysty qazaqstandyq avtobýs tasymaldaýshylarynyń ahýalyna saraptamalyq baǵalaý júrgizilip, salany qoldaýǵa qatysty usynylatyn sharalar qarastyrylyp jatyr.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT