+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Qazaqstanda jýrnalısterdiń salalyq kásipodaǵy quryldy

2020 jylǵy 22 qyrkúıek 14:00
Bólisińiz:
Qazaqstanda jýrnalısterdiń salalyq kásipodaǵy quryldy

NUR-SULTAN. QazAqparat - Qazaqstanda buqaralyq aqparat quraldary men teleradıo habarlaryn taratý qyzmetkerleriniń «BAQ KASIPODAQ» salalyq kásipodaǵy quryldy, dep habarlaıdy QazAqparat.

Uqsas jańalyqtar

Bul týraly ZOOM platformasynda uıymdastyrylǵan beınekonferentsııada aıtyldy. Konferentsııaǵa qazaq televızııasynda uzaq jyldar eńbek etken belgili jýrnalıster Arman Sqabyluly, Mahat Sadyq, Qymbat Dosjan, Zeıin Álipbek, «Astana TV» telearnasynyń bas dırektory Qurmanbek Jumaǵalı, «Habar 24» telearnasynyń dırektory Olga Tsoı men «Medıa damytý qory» korporatıvtik qorynyń bas dırektory Evgenıı Kochetov, «Aıqyn» gazetiniń bas redaktory Nurmuhammed Baıǵaraev, jýrnalıst, «IBalaqai» jobasynyń prodıýseri ári júrgizýshisi Mahabbat Esen jáne ózge de jýrnalıster, BAQ salasynyń medıamenedjerleri qatysty.

Jýrnalısterdiń salalyq kásipodaǵy otandyq BAQ salasynyń damýy, tilshiler qaýymynyń qoǵamdaǵy yqpaly men róliniń artýyna, mártebesiniń kóterilýine kúsh salady.


Uıym tóraǵasy retinde jýrnalıstıkada 30 jyldyq tájirıbesi bar, kórermen kózaıymyna aınalǵan belgili telejúrgizýshi Zeıin Álipbek usynylyp, salaǵa jetekshilik etetin boldy.

«Ókinishke qaraı, jýrnalıst qaýymnyń kásibı jumysy kóbine elenbeı, kóleńkede qalyp jatady. Keıde, áriptesterimiz qyzmettik mindetin oryndaý kezinde túrli kedergilerge tap bolatynyn da kórip júrmiz. Sondyqtan, jýrnalısterdiń quqyqtyq, áleýmettik mártebesin kóterýge barynsha kúsh salýymyz kerek. Bul máselemen júıeli túrde aınalysatyn bizge BAQ qyzmetkerleriniń odaǵyn qurý qajettiligi týyp otyr» - dep atap ótti «Astana TV» telearnasynyń bas dırektory Qurmanbek Jumaǵalı onlaın kezdesýde.

Salalyq kásipodaq basshysy Zeıin Álipbek qurylymnyń jospary men aldaǵy baǵyttary týraly jan-jaqty baıandap berdi.

«Alda jýrnalısterdiń áleýmettik-quqyqtyq jaǵdaıyn jaqsartýdy kózdeıtin kóptegen sharýalar, ıgi bastamalar tur. Ásirese, jýrnalıstterdiń sheberligin shyńdap, kásibı ósýine baǵyttalǵan jáne qazaqstandyq BAQ-tyń áleýetin kúsheıtýge arnalǵan ilkimdi jobalar bar. Ony tek qana kásipodaq atqarady deýge bolmaıdy. Onyń barlyǵyna sizdermen, qurmetti áriptester, birlese otyryp qana qol jetkize alamyz» deıdi Zeıin Álipbek.

Konferentsııa barysynda BAQ basshylary men jýrnalıster kásipodaqtyń qurylýyn der kezinde qolǵa alynǵan bastama dep baǵalap, júıeli jumys istep, tabysty nátıjelerge qol jetkizedi degen senimin bildirdi.

Aıta ketý kerek, 2020 jylǵy 10 qańtardaǵy jaǵdaı boıynsha Qazaqstanda 3669 BAQ tirkelgen. Elde 2964 merzimdi basylym, 161 telearna, 73 radıo, 471 aqparat agenttigi jáne jelilik basylym bar.


Bizdiń kanalymyzǵa jazylyńyz:

#BAQ   #Adam quqyǵy   #Qoǵam  
Bólisińiz:

Avtor:

Qanat Mámetqazyuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Úmbet Sholpan
Úmbet Sholpan
954-059

MURAǴAT