+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Qazaqstanda joldyń salyný barysyn baqylaıtyn jańa júıe engizilip jatyr

2021 jylǵy 25 shilde 16:04
Bólisińiz:
Qazaqstanda joldyń salyný barysyn baqylaıtyn jańa júıe engizilip jatyr

BALQASh. QazAqparat – Elimizde jol salý qurylysy protsesin baqylaıtyn jańa baǵdarlama júıesi engizilip jatyr. Bul týraly «QazAvtoJol» ulttyq kompanııasy AQ «Balqash-Býrylbaıtal» jobasynyń jetekshisi Serik Imashev málim etti, dep habarlaıdy QazAqparat tilshisi.

Uqsas jańalyqtar
Elimizde jol máselesi qalaı sheshilip jatyr «Altyn orda» bazary mańyndaǵy avtojol qarashada tolyq paıdalanýǵa beriledi SQO-da aldaǵy tórt jylda 2 myń shaqyrymnan astam jol jóndeledi

«Ótken jyldan bastap Qazaqstanda jol salý salasynda «Avtokólik jobalaryna monıtorıng júrgizý júıesi» atty baǵdarlama engizildi. Ol arqyly joldyń salyný protsesin tolyqtaı baqylaýǵa bolady. ıAǵnı, jumys qalaı júrip jatyr, ne istelinip jatyr - bári kóz aldyńda turady. Onyń jumys isteý barysyna kelsek, merdiger baǵdarlamaǵa joldyń salynyp jatqany týraly aralyq esepti júkteıdi, sodan soń ony tehnıkalyq baqylaý mamandary rastaıdy, odan ári ol málimetter ortalyq apparatqa túsedi. Ol jerde esepten bólek, foto jáne vıdeo dálelder de bolady. Sondaı-aq, biz salynyp jatqan joldyń boıyna beınebaqylaý kamerasyn qoıýdy da josparlaǵanbyz, degenmen jol salý kóshpeli jumys bolǵandyqtan jáne dalalyq jerlerde ınternet baılanysynyń nasharlyǵynan ázirge ol múmkin bolmaı otyr», - dedi S.Imashev.

Onyń aıtýynsha, atalǵan baǵdarlama arqyly jol qurylysy barysyn ázirge tek jaýapty mamandar ǵana baqylaı alady.

«Aldaǵy ýaqytta joldyń salyný barysyn baqylaıtyn baǵdarlama barlyq adam úshin qoljetimdi bolady. Taǵy bir aıta keterligi, baǵdarlamanyń bazasyna salynǵan málimetterdi jóndeý nemese óshirý múmkin emes. Sonymen qatar azamattardyń jolǵa qatysty qandaı da bir suraqtary týyndasa 1403 Call ortalyǵyna 24/7 rejiminde habarlasýǵa bolady. Sol sııaqty tasjol boıyndaǵy tekserý beketterinde aryz-shaǵym jáshigi ornalastyrylǵan», - deıdi ol.

Sondaı-aq, «QazAvtoJol» ulttyq kompanııasynyń ókili atalǵan jańa júıeniń búginde «Balqash-Býrylbaıtal» tasjolyn salý kezinde qoldanylyp jatqanyn jáne aldaǵy ýaqytta respýblıkanyń barlyq aımaqtarynda qoldanysqa enetinin aıtty.

Buǵan deıin habarlaǵanymyzdaı, bıyl elimizde aqyly joldardyń sany artpaq.

Aıta keteıik, «QazAvtoJol» ulttyq kompanııasy AQ «Ortalyq-Ońtústik» baǵytyndaǵy Nur-Sultan – Qaraǵandy – Balqash - Prıozersk – Býrylbaıtal - Shý – Almaty aımaqtaryndaǵy joldardyń salyný barysyn tanystyryp, kórsetý maqsatynda baspasóz týryn uıymdastyrdy.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT