Valıýta baǵamdary:
    usd/kzt 422.01 eur/kzt 452.06

    rub/kzt 6.75 cny/kzt 62.72
Aýa raıy:
Nur-Sultan: 1 °S
Almaty: 15 °S

Qazaqstanda jerdi paıdalaný men qorǵaý boıynsha biryńǵaı vertıkal qalpyna keltirildi - AShM

2022 jylǵy 26 qańtar 14:15

NUR-SULTAN. QazAqparat - 2014 jyldan bastap jerdiń paıdalanylýy men qorǵalýyn memlekettik baqylaý fýnktsııalary tolyǵymen jergilikti atqarýshy organdarǵa júktelgen bolatyn, 2022 jyly buǵan ózgerister engizildi, dep habarlaıdy QazAqparat QR AShM resmı saıtyna silteme jasap.

Buryn Jer qatynastary jáne Memlekettik baqylaý basqarmalary oblystyq, qalalyq jáne aýdandyq ákimdikterdiń quramyna kirip, onda «múddeler qaqtyǵysy» oryn alatyn. Sondaı-aq jer qatynastary jáne jerdiń paıdalanylýy men qorǵalýyn baqylaý jónindegi ýákiletti organdardyń bir memlekettik organda bolýyna baılanysty sybaılas jemqorlyq sıpatyndaǵy sheshimder qabyldaý táýekeli bolatyn.

Memleket basshysynyń 2021 jylǵy 19 naýryzdaǵy QR Prezıdenti janyndaǵy Ulttyq qoǵamdyq senim keńesiniń V otyrysynda bergen tapsyrmasyna sáıkes, jer reformasy jónindegi komıssııa quryldy.

Komıssııanyń 5 otyrysynda 120-dan astam usynys kóterilip, jer zańnamasyn jetildirý boıynsha birqatar júıeli usynymdar ázirlendi. Usynystardyń biri «ortalyq-óńir» qaǵıdaty boıynsha jerdi utymdy paıdalanýǵa memlekettik baqylaýdyń biryńǵaı vertıkalyn qurý boldy.

Osyǵan baılanysty, 2021 jylǵy 30 maýsymda «Qazaqstan Respýblıkasynyń keıbir zańnamalyq aktilerine jer qatynastaryn damytý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańy qabyldandy. Ol jerdiń paıdalanylýy men qorǵalýyn memlekettik baqylaý fýnktsııalaryn 2022 jylǵy 1 qańtardan bastap aýmaqtyq bólimshelerin qura otyryp, ortalyq ýákiletti organnyń vedomstvosyna berýdi kózdeıdi.

Osylaısha, jer berý jónindegi fýnktsııalar ákimdikterde qaldy, al ákimdikterdiń jer berýin jáne menshik ıeleriniń/jer paıdalanýshylardyń jerdi paıdalanýyn baqylaý jónindegi fýnktsııalar aýmaqtyq departamentterdi qurý arqyly QR AShM Jer resýrstaryn basqarý komıtetine berildi.

Osylaısha, «ortalyq-óńir» qaǵıdaty boıynsha QR-da jerdi paıdalaný men qorǵaýdy memlekettik baqylaýdyń biryńǵaı vertıkali quryldy jáne jer qatynastary salasynda jınaqtalǵan problemalardy sheshý men tártipke keltirý úshin asa mańyzdy qadam jasaldy.


Novostı po teme
Uqsas jańalyqtar