Qazaqstanda jeńildetilgen avtonesıe berý bastaldy
2022 jylǵy 16 mamyr 08:30

Qazaqstanda jeńildetilgen avtonesıe berý bastaldy

NUR-SULTAN. QazAqparat - Qazaqstanda jeńildetilgen avtonesıe berý bastaldy. Jeńildetilgen avtonesıe bir adamǵa eki jyl ishinde bir-aq ret beriledi, dep habarlaıdy QazAqparat.

Jeke avtoparkti jańartýdy yntalandyrý maqsatynda QR azamattaryna jeńildikpen nesıe berý boıynsha avtokólik satyp alý, sondaı-aq avtobýstar parkin jańartý úshin «Jasyl Damý» AQ qarajaty esebinen baǵdarlama ázirlendi.

Jeńildetilgen nesıe baǵdarlamasy boıynsha qarjylandyrýdyń jalpy somasy shamamen 100 mlrd teńgeni jáne Qazaqstan óńirlerindegi avtobýs parkin jańartýǵa shamamen 30 mlrd teńgeni quraıdy.

Indýstrııa jáne ınfraqurylymdyq damý mınıstrliginiń málimetinshe, halyqqa avtokólikti nesıelendirý kelesi sharttarmen júzege asyrylady:

- syıaqy mólsherlemesi 4%;

- nesıe somasy 10 000 000 teńgeden aspaýy kerek;

- qarjylandyrý merzimi 7 jyldan aspaıdy;

- bastapqy jarna 0%-dan bastap;

- kólik quny 15 000 000 teńgeden aspaıdy.

Nesıe berýdi Ekinshi deńgeıdegi bankter júzege asyratyn bolady.

Qarjylandyrýdyń ashyqtyǵyn qamtamasyz etý maqsatynda EDB-de túpkilikti qaryz alýshyǵa qarjylandyrýdy usyný merzimderiniń saqtalýyn baqylaýdyń avtomattandyrylǵan júıesi bolýy shart.

Sondaı-aq bir túpkilikti qaryz alýshyny eki jylda bir retten jıi emes qarjylandyrý túrindegi shekteýler bar.

Lızıng alýshylar úshin avtobýstardy satyp alý sharttary tómendegideı bolady:

- syıaqy mólsherlemesi 0,01%;

- lızıng merzimi 7 jylǵa deıin

- bastapqy jarna 0% bastap;

Jeńildetilgen avtonesıe túrindegi qoldaýdan basqa, memleket jeńildik sertıfıkattarynyń qoldanylý merzimi máselelerin sheshý sharalaryn pysyqtaýda. Búgingi tańda ÓKM operatorynyń fýnktsııalary «Jasyl damý» AQ-na berýine baılanysty osyǵan deıin paıdalana almaǵan jeńildik sertıfıkattaryn paıdalanýǵa múmkindik beretin tetikter zerdelenýde. Bul sertıfıkattardy paıdalaný júrgizilip jatqan tekserý áreketterine baılanysty ýaqytsha toqtatyldy.

Aıta keteıik, buǵan deıin Úkimet jeńildetilgen avtonesıe baǵdarlamasyn bekitken bolatyn.
Al ótkende aptada QR Úkimet basshysynyń birinshi orynbasary Roman Sklıar 16 mamyrda bankter jeńildetilgen avtonesıege ótinimdi qabyldaýdy bastaıtynyn málimdegen edi.



Jańalyqtar

Úrdis

MURAǴAT