Qazaqstanda JEK jobalaryn irikteý boıynsha kúzgi aýktsıondyq saýda-sattyq bastaldy

NUR-SULTAN. QazAqparat - Qazaqstanda «Jasyl ekonomıka» jobalaryn irikteý boıynsha aýktsıondyq saýda-sattyq bastaldy, dep habarlaıdy QazAqparat tilshisi Energetıka mınıstrliniń baspasóz qyzmetine silteme jasap.

Uqsas jańalyqtar

Nurlan Noǵaev Belarýs elshisimen kezdesti

Qyzylordada jańartylatyn energııa kózderin paıdalanatyn elektr stantsııalary salynady Jańaózende gaz baǵasy 55 teńgeden satylatyn boldy Nur-Sultan qalasyndaǵy JEO jumysshylaryna syıaqy berildi

Bıyl aýktsıondar jıyntyq belgilengen qýaty 5 MVt GES jobalaryn irikteýden bastalyp otyr.

«Aýktsıon ótti dep tanyldy. Aýktsıondyq saýda-sattyqqa qatysýǵa úsh kompanııa jiberildi. Saýda sessııasyn ótkizý barysynda qatysýshylar 2 ótinim berdi. Jobalardyń jekelengen qýaty 4,5 MVt jáne 2,5 MVt-ty qurady. Berilgen ótinimderdiń jıyntyq kólemi - 7 MVt. 2019 jyly GES jobalaryn irikteý boıynsha aýktsıondyq saýda-sattyqty ótkizý kezinde shekti aýktsıondyq baǵa 15,48 tg/kVtsaǵ (QQS-syz) qurady», - delingen habarlamada.

Saýda-sattyq sessııasyn ótkizý barysynda aýktsıondyq saýda-sattyqqa qatysýshylardan alynǵan ótinimderdiń baǵa dıapazony 15,43 – 15,48 tg/kVtsaǵ ekeni aıtyldy.

Aýktsıondyq saýda-sattyq qorytyndysy boıynsha mynadaı kompanııalar jeńimpaz bolyp tanylǵan:

- «Shet-Merke-Energo» JShS – jobanyń belgilengen qýaty 2,5 MVt, aýktsıondyq baǵasy 15,43 teńge/kVt*saǵ (QQS-syz);

- «Jetisý Jer ABS» JShS–jobanyń belgilengen qýaty 4,5 MVt, aýktsıondyq baǵasy 15,48 teńge/kVt*saǵ (QQS-syz).

Aýktsıondyq saýda-sattyqty ótkizý kezinde Qazaqstan Respýblıkasy Energetıka mınıstrliginiń, Ulttyq ekonomıka mınıstrliginiń, «Atameken» UKP, beıindi qaýymdastyqtar men halyqaralyq uıymdardyń ókilderi baqylaýshylar retinde qatysqan. Baqylaýshylar aýktsıondyq saýda-sattyq bekitilgen normatıvtik quqyqtyq aktilerge sáıkes ótkizilgenin atap ótip, aýktsıondy uıymdastyrýshy- «KOREM» AQ-nyń elektrondyq saýda júıesi jumysynyń ashyqtyǵyn rastady.

10 MVt GES túri boıynsha kelesi aýktsıon 2019 jyldyń 17 qyrkúıegine belgilendi.