+7 (701) 759 90 19
USD 389.75 EUR 434.26
RUB 6.12 CNY 55.05
Jańalyqtar

Qazaqstanda Jastar jylynyń logotıpi bekitildi

2019 jylǵy 22 qańtar 18:25
Bólisińiz:
Qazaqstanda Jastar jylynyń logotıpi bekitildi

ASTANA. QazAqparat - Jastar jylynyń logotıpi bekitildi. Bul týraly QR Qoǵamdyq damý mınıstrliginiń baspasóz qyzmeti málim etti, dep habarlaıdy QazAqparat.

23 qańtarda Astanada Qazaqstandaǵy jastar jylynyń resmı ashylýy ótedi. Atalǵan is-shara elimizde memlekettik jastar saıasatyn jan-jaqty qoldaý men júzege asyrýǵa baǵyttalǵan aýqymdy josparlardy júzge asyrýǵa bastaý bolmaq.

«Osyǵan oraı «Jastar jylynyń» logotıpi ázirlendi, onda jyl saıynǵy kóshi-qon kezindegi tyrnalardyń ushýy kórsetilgen. Ushýdyń bul tásili- úlken qustarǵa energııany kóp qajet etetin qashyqtyqty eńserýge múmkindik beredi. Ushý barysynda árbir qustyń qanatynyń sońynda áýe keptelisi paıda bolady, osynyń arqasynda qustar jınaqylanyp, birlesken is-qımyldyń arqasynda bıiktikte samǵaý úshin qosymsha jeńildikke ıe bolady», - delingen mınıstrlik habarlamasynda.

Taratylǵan málimetke qaraǵanda, atalǵan bastama jastardyń ózara is-qımyly ustanymyn aıǵaqtaıtyn eń jaqsy tásili bolyp otyr. Tyrnalar jastyq, baqyt pen sáttilikti beıneleıdi.

«Jastar saıasatyndaǵy negizgi jetistikterge birlesken kúsh-jigerler, tájirıbe almasý jáne jastardyń bilimi arqyly qol jetkizildi. Avtorlar logotıptiń tústik gammasyna erekshe kóńil bólgen. Mysalǵa, sary tús pozıtıvti energetıkany, merekeni, kúnniń nuryn, al kógildir tús keńshildikti, shyǵarmashylyq áleýetti bildiredi. Kók tús rýhanı tazalyq pen kemeldikti, qyzǵylt-sary tús turaqtylyqtyń, qýanyshtyń, dostyq qarym-qatynastyń sımvoly bolady», - dep túsindirdi vedomstvo ókilderi.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT