+7 (701) 759 90 19
USD 429.75 EUR 507.45
RUB 5.61 CNY 63.93
Jańalyqtar

Qazaqstanda jas otbasylardyń alǵashqy onlaın-festıvali ótedi

2020 jylǵy 9 qyrkúıek 12:46
Bólisińiz:
Qazaqstanda jas otbasylardyń alǵashqy onlaın-festıvali ótedi

NUR-SULTAN. QazAqparat – 2020 jyldyń 12-13 qyrkúıeginde Qazaqstanda jas otbasylardyń alǵashqy aýqymdy onlaın-festıvali ótedi. Bul jaıynda «Azamattyq bastamalardy qoldaý ortalyǵy» basqarma basshysy Bátıma Mýkına Facebook paraqshasynda jazdy, dep habarlaıdy QazAqparat tilshisi.

«Qoǵamnyń turaqtylyǵy otbasynyń ál-aýqatyna baılanysty. Degenmen, otbasynyń jaǵdaıy da áleýmettik protsestermen baılanysty ekendigi sózsiz. Bizdiń memleket otbasyna qatysty áleýmettik máselelerge kóp kóńil bóledi. Memleket basshysy Qazaqstan halqyna Joldaýynda azamattardyń áleýmettik ál-aýqatyn arttyrýǵa, onyń ishinde densaýlyq saqtaý, bilim berý, balalardyń quqyqtaryn qorǵaý máselelerin sheshýge erekshe nazar aýdardy. Azamattyq bastamalardy qoldaý ortalyǵy osyndaı áleýmettik jobalardy júzege asyrý úshin granttyq qoldaý kórsetedi. Biz memleket, ÚEU men azamattar arasynda ózara tıimdi qarym-qatynas ornatý úshin óz tarapymyzdan bar kúsh-jigerimizdi salamyz. Іske asyrylyp jatqan jobalardyń aıtarlyqtaı paıda ákelýi men naqty áleýmettik máselelerdi sheshý biz úshin óte mańyzdy», - dedi ol.

Onyń atap ótýinshe, 2020 jyldyń 12-13 qyrkúıeginde Qazaqstanda jas otbasylardyń alǵashqy aýqymdy onlaın-festıvali ótedi. Oǵan elimizdiń burysh-buryshynan 29 jasqa deıingi erli-zaıyptylar qatysa alady.

«Festıval QR Aqparat jáne qoǵamdyq damý mınıstrliginiń qoldaýymen ótkiziledi. Azamattyq bastamalardy qoldaý ortalyǵynyń memlekettik grant ıegeri «Qazaqstannyń teń quqyqtary men teń múmkindikteri ınstıtýty« QQ is-sharany «Jastar arasynda otbasylyq qundylyqtardy nyǵaıtý boıynsha is-sharalar kesheni« aıasynda uıymdastyrýda. Festıval 14 óńirde jáne respýblıkalyq mańyzy bar 3 qalada ótedi», - dedi ol.

Basqarma tóraıymynyń aıtýynsha, festıvaldiń maqsaty - jastar arasynda otbasy jáne otbasylyq qundylyqtar ınstıtýtyn nyǵaıtýǵa yqpal etý.

«Óıtkeni, aqyly kýrstarǵa barýǵa nemese mamandardyń kómegine júginýge kez kelgen jas otbasynyń shamasy jete bermeıdi. Festıval aıasynda jetekshi sarapshylardyń qyzyqty semınarlary men master-klastary ótkiziledi, estrada ártisteriniń onlaın-qoıylymdary men konkýrstar uıymdastyrylady, baǵaly syılyqtar taratylady. Tolyq aqparatty @otaufest_kazakhstan paraqshasynan taba alasyzdar. Biz qoǵamnyń áleýmettik máselelerin sheshýge úles qosýǵa tyrysýdamyz. Eger is-shara birneshe otbasyn jaqyndastyrsa, munyń ózi úlken jetistik bolar edi», - dedi Bátıma Mýkına.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT