+7 (701) 759 90 19
USD 411.66 EUR 465.92
RUB 5.81 CNY 58.79
Jańalyqtar

Qazaqstanda jas ǵalymdardy granttyq qarjylandyrýǵa eki jylda 9 mlrd teńge bólinedi

2020 jylǵy 19 aqpan 19:25
Bólisińiz:
Qazaqstanda jas ǵalymdardy granttyq qarjylandyrýǵa eki jylda 9 mlrd teńge bólinedi

NUR-SULTAN. QazAqparat - QR Premer-mınıstri Asqar Mamınniń tóraǵalyǵymen QR Úkimetiniń janyndaǵy Joǵarǵy ǵylymı-tehnıkalyq komıssııa (JǴTK) otyrysy ótti, dep habarlaıdy QazAqparat primeminister.kz-ke silteme jasap.

Ǵylymdy damytýdaǵy basymdyqty baǵyttar men 2020-2022 jyldary jas ǵalymdardyń ǵylymı zertteýlerin granttyq qarjylandyrý kólemin bólý týraly Bilim jáne ǵylym mınıstri A. Aımaǵambetov, atom energetıkasy salasyndaǵy tehnologııalyq sıpattaǵy qoldanbaly ǵylymı zertteýler týraly Energetıka mınıstri N. Noǵaev baıandady.

2020-2022 jyldary jas ǵalymdardyń ǵylymı zertteýlerin granttyq qarjylandyrýdyń jalpy kólemi 9 mlrd teńge bolady (jyl saıyn 3 mlrd teńgeden).

Qazirgi kezde memlekettik ǵylymı-tehnıkalyq jáne ekonomıkalyq saraptamalar nátıjesi boıynsha ulttyq ǵylymı keńester kelesi 7 basymdyqty baǵyt boıynsha jas ǵalymdardyń 1 013 ótinimin iriktep aldy:

  • Energetıka jáne mashına jasaý (102); tabıǵı resýrstardy, onyń ishinde sý resýrstaryn, geologııany, qaıta óńdeýdi, jańa materıaldar men tehnologııalardy, qaýipsiz buıymdar men konstrýktsııalardy utymdy paıdalaný (313); jaratylystaný ǵylymdary salasyndaǵy ǵylymı zertteýler, aqparattyq, telekommýnıkatsııalyq jáne ǵaryshtyq tehnologııalar (167);
  • agroónerkásiptik keshendi turaqty damytý jáne aýyl sharýashylyǵy ónmderiniń qaýipsizdigi (139); ómir jáne densaýlyq týraly ǵylym (127); «Máńgilik El» ǵylymı negizderi (XXI ǵasyr bilimi, gýmanıtarlyq ǵylymdar salasyndaǵy irgeli jáne qoldanbaly zertteýler, 155); ulttyq qaýipsizdik jáne qorǵanys (10).

JǴTK «Jaratylystaný ǵylymdary salasyndaǵy ǵylymı zertteýlerdi» jeke basym baǵyt retinde bólýdi bekitti, bul Qazaqstannyń qazirgi ǵylymı mektepterin odan ári nyǵaıtý men damytýǵa, osy saladaǵy ǵalymdardyń jańa býynyn qalyptastyrýǵa yqpal etýge baǵyttalǵan.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT