Qazaqstanda jarty mıllıonnan astam adam múgedektigi úshin járdemaqy alady
2022 jylǵy 19 qańtar 14:53

Qazaqstanda jarty mıllıonnan astam adam múgedektigi úshin járdemaqy alady

NUR-SULTAN. QazAqparat - 2021 jyly qazaqstandyqtarǵa múgedektik jáne asyraýshysynan aıyrylý jaǵdaıy boıynsha járdemaqy túrinde 391 mlrd teńgeden astam qarajat tólendi, dep habarlaıdy QazAqparat.

2021 jyly respýblıkalyq bıýdjetten múgedektik boıynsha memlekettik áleýmettik járdemaqy tóleýge 310,6 mlrd teńge, asyraýshysynan aıyrylý jaǵdaıyna baılanysty 81,3 mlrd teńge baǵyttaldy.

2021 jyldyń jeltoqsan aıynda respýblıkalyq bıýdjetten múgedektik boıynsha memlekettik áleýmettik járdemaqy tóleýge 27 mlrd teńge, asyraýshysynan aıyrylý jaǵdaıy boıynsha 7,4 mlrd teńge jumsaldy.

2022 jylǵy 1 qańtardaǵy jaǵdaı boıynsha múgedektik boıynsha memlekettik áleýmettik járdemaqy alýshylardyń sany 529,3 myń adamdy, asyraýshysynan aıyrylý jaǵdaıy boıynsha 168,3 myń adamdy quraıdy.

Múgedektik jáne asyraýshysynan aıyrylý jaǵdaıy boıynsha memlekettik áleýmettik járdemaqylardyń mólsheri múgedektik tobyna jáne sebebine, qaıtys bolǵan (qaza tapqan) asyraýshynyń asyraýyndaǵy adamdar sanyna, sondaı-aq tıisti qarjy jylyna arnalǵan «Respýblıkalyq bıýdjet týraly» zańynda belgilenetin eń tómen kúnkóris deńgeıiniń shamasyna baılanysty bolady.

2022 jylǵy 1 qańtardaǵy jaǵdaı boıynsha múgedektik jónindegi memlekettik áleýmettik járdemaqynyń ortasha mólsheri 51 094 teńgeni, asyraýshydan aıyrylý jaǵdaıynda 43 836 teńgeni qurady.


Jańalyqtar

MURAǴAT