Qazaqstanda jańajyldyq korporatıv ótkizýge ruqsat bar ma – mınıstr jaýaby
2021 jylǵy 23 qarasha 12:42

Qazaqstanda jańajyldyq korporatıv ótkizýge ruqsat bar ma – mınıstr jaýaby

NUR-SULTAN. QazAqparat – Elimizde jańa jyl qarsańynda merekelik kesh-saýyq ótkizýge ruqsat bar ma? Úkimet úıinde tilshilerdiń bul suraǵyna QR Densaýlyq saqtaý mınıstri Alekseı Tsoı jaýap berdi, dep habarlaıdy QazAqparat tilshisi.

«Aldymen ár óńirdegi epıdemıologııalyq jaǵdaıǵa baılanysty talap engiziledi, ıaǵnı qoǵamdyq jáne tamaqtaný oryndary men kontsert zaldarǵa qansha adamnyń kirýge bolatyndyǵy týraly. Ony sol óńirdiń memlekettik bas sanıtar dárigeri anyqtaıdy. Ruqsat berilgen jaǵdaıda kópshilik baratyn qoǵamdyq orynnyń neshe adamǵa arnalǵany eskerilýi tıis. Sonymen qatar óńirdiń qaı aımaqta ornalasyp turaǵany da mańyzdy. Koronavırýstyń taraýy boıynsha «jasyl», «sary» nemese «qyzyl» aımaq bar», - dedi A. Tsoı jaýap bere tura.

Sondaı-aq, mınıstr ár oblystyń memlekettik bas sanıtar dárigeri sol óńirdegi epıdjaǵdaıǵa baılanysty jeke sheshim qabyldaı alatynyn jetkizdi.

Buǵan deıin mınıstr elimizde Pfizer vaktsınasyn alyp jatqan júkti áıelder, emizýli analar men jasóspirimderdiń jaǵdaıy týraly aıtyp bergen edi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT