Qazaqstanda jańa kólikterge suranys qandaı

NUR-SULTAN. QazAqparat - 2019 jyldyń 10 aıynda Qazaqstanda 38 953 avtokólik shyǵaryldy. Olardyń arasynda jeńil jáne júk kólikteri, avtobýs tehnıkasy men arnaıy mashınalar da bar. Bul týraly QazAqparat «QazAvtoÓnerkásipke» silteme jasap habarlaıdy.

Uqsas jańalyqtar

Aqmola oblysynda jol apatynan 3 adam kóz jumdy

Almatyda bir túnde memlekettik nómiri joq 50 avtokólik ustaldy Beıjińde tikeleı halyqaralyq reıster toqtatylýy múmkin Aqmola oblysynda jol boıynda turǵan kólikti júk kóligi soǵyp, bir adam mert boldy

Esepti kezeńde Qazaqstanda qurastyrylǵan kólikterdiń jalpy quny 269,2 mlrd teńgege baǵalanyp otyr.

Jalpy, jeńil avtomobıl óndirý 41,9 paıyzǵa ósip, 34 276-ǵa jetti.

Jyl basynan beri otandyq avtozaýyttar 33 904 kólikti ótkizip, bul kórsetkish byltyrǵa qaraǵanda 43,9 paıyzǵa joǵary boldy.

10 aıdyń qorytyndysy boıynsha jergilikti óndiristegi avtomobılderdi satyp alýǵa turǵyndar 238,1 mlrd teńge jumsap, osy soma bir jyl burynǵy deńgeıden 71,5 paıyzǵa joǵary boldy.

Atalǵan merzimde Qazaqstanda qurastyrylǵan jeńil kólikterdiń arasynda suranysqa ıe brendterdiń bestigine Lada (12 013 kólik satyldy), Hyundai (11 384), KIA (2 672), Ravon (2 029) jáne Skoda (857) endi.

Otandyq kásiporyndar usynatyn markalardyń tiziminde JAC (814 kólik), Chevrolet (678), UAZ (336), sondaı-aq Peugeot (33) bar ekenin atap ótken jón.