Qazaqstanda jańa kólikterge suranys deńgeıi belgili boldy

NUR-SULTAN. QazAqparat – 2020 jylǵy 7 aıda Qazaqstanda 621myń avtokólik tirkeýge qoıyldy. Bul týraly «QazAvtoÓnerkásip» avtokólik salasyndaǵy kásiporyndar odaǵy málim etti, dep habarlaıdy QazAqparat.

Uqsas jańalyqtar

Kepildegi avtokólikti arzanǵa «alyp berýmen» aınalysqan almatylyq ustaldy

Aqtóbede jol erejesin buzǵandardy avtomatty túrde tirkeıtin júıe jumys istep tur Almaty oblysynda jardan aýdarylǵaly turǵan kóliktegi jolaýshylar qutqaryldy Boran saldarynan Úsharal-Dostyq joly jabyldy

«Esepti kezeńde ákimshilik polıtsııa organdary 621 982 avtokólikti tirkeýge qoıdy. Atalǵan kórsetkish ótken jyldyń sáıkes kezeńinen 24,7 paıyzǵa kem. Onyń ishinde 559 595-i birneshe ret tirkelgender úlesinde, ıaǵnı bir adamnan ekinshi adamnyń atyna aýystyrylǵan kólikter sanatyna jatqyzyldy. Bir jyl burynǵy deńgeımen salystyrǵanda 27,4 paıyzǵa (770 myń kólik) tómendedi. Al alǵash ret tirkelgen kólik quraldarynyń sany 62 387-ni qurady. Bul kórsetkish byltyrǵa qaraǵanda 12,5 paıyzǵa joǵary», - dep atap kórsetilgen taratylǵan málimette.

Bıylǵy qańtar-shildede Qazaqstan aýmaǵynda 26 elektromobıl tirkelgen eken.

«QazAvtoÓnerkásiptiń» habarlaýynsha, esepti kezeńde qaıta tirkelgen kólikterdiń úshten ekisinen astamyn (67,6 paıyzy) paıdalaný merzimi 10 jyldan asqan kólikter qamtyǵan.

Atap aıtqanda, 20 jyldan asqandardyń úlesi 233 097 kólik (41,7 paıyz) bolsa, 11-den 20 jylǵa deıingiler 26 paıyzdy (145 439 kólik) qurady.

Al 4-ten 7 jylǵa deıingiler – 96 747 kólikke (17,3 paıyz), 8-den 10 jylǵa deıingiler – 55 383 kólikke (9,9 paıyz), 1-den 3 jylǵa deıingi kólik sany 26 242-ge jetti. Sonymen qatar, paıdalaný merzimi 1 jylǵa jetpegen kólikterdiń úlesi 0,5 paıyz (2 687 avtomobıl) boldy.