+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Qazaqstanda «jalǵyzbasty ana» túsinigi engizilmeıdi

2021 jylǵy 9 shilde 15:13
Bólisińiz:
Qazaqstanda «jalǵyzbasty ana» túsinigi engizilmeıdi

NUR-SULTAN. QazAqparat – Qazaqstanda «jalǵyzbasty ana» túsinigi engizilmeıdi. Bul týraly QR Eńbek jáne halyqty áleýmettik qorǵaý mınıstrligi Áleýmettik kómek saıasatyn damytý departamentiniń dırektory Asqar Nııazov aıtty, dep habarlaıdy QazAqparat tilshisi.

«Jalǵysbasty ana» dep zańnamalyq aıqyndaý, áleýmettik qorǵaý jáne ózge áleýmettik ıgilik usynýdy jaqtamaımyz. Óz deńgeıimde mundaıdy qoldamaıtyndyǵymyzdy aıta alamyn. Túptep kelgende biz óziniń mádenıetin, otbasylyq qundylyqtaryn, otbasylyq qarym-qatynasyn, bala tolyqqanda ósýi úshin ákeniń de, ananyń da tálim-tárbıesin nasıhattaıtyn elmiz. Balanyń nekeden tys nemese basqa da jaǵdaıda dúnıege kelýin yntalandyrmaýymyz qajet. Mine dál osyǵan oraı Qazaqstanda «jalǵyzbasty ana» qarastyrylmaıtyndyǵyn óz deńgeıimde aıta alamyn», - dedi ol Ortalyq kommýnıkatsııalar qyzmetindegi brıfıng barysynda BAQ ókilderiniń saýalyna oraı.

Degenmen, departament basshysy Qazaqstannyń Eńbek kodeksinde «balany jalǵyz tárbıeleıtin ana», «tolyq emes otbasy» degen túsinikterdiń bar ekendigine nazar aýdartty.

«Bul atalǵan analardyń, ásirese jumys isteıtin analardyń jumys berýshiler tarapynan qorǵalýy úshin, olardy zańsyz jumystan shyǵaryp jibermeýi úshin jasalǵan. Qajettilik týyndaǵan jaǵdaıda ıkemdi jumys kestesine aýysý múmkindigi nemese qysqartylǵan jumys kestesimen eńbek etýi kózdelgen. Budan bólek «tolyq emes otbasy» degen túsinik bar. Neke jáne otbasy týraly kodekske sáıkes, jalǵyzbasty analarmen qatar balasyn jalǵyz tárbıelep otyrǵan ákeler de bar. Olar da tolyq emes otbasyǵa jatady. Onda ajyrasýdan bólek, ómirdegi túrli jaǵdaılarǵa baılanysty jubaıy ómirden ozyp, balasymen qalǵan erler de kezdesedi. Biraq, áleýmettik qorǵaý úshin «jalǵyzbasty ana» túsinigi qarastyrylmaıdy», - dedi Asqar Nııazov.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT