+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Qazaqstanda zeınetaqynyń ortasha kólemi - 99 898 teńge

2021 jylǵy 12 shilde 10:15
Bólisińiz:
Qazaqstanda zeınetaqynyń ortasha kólemi - 99 898 teńge

NUR-SULTAN. QazAqparat - Jyl basynan beri qazaqstandyqtarǵa 1,3 trln-nan astam teńge zeınetaqy tólendi, dep habarlaıdy QazAqparat.

2021 jyldyń qańtar - maýsym aılarynda respýblıkalyq bıýdjetten bazalyq zeınetaqy tóleýge - 410,8 mlrd teńge, yntymaqty zeınetaqy tólemine – 928,9 mlrd teńge baǵyttaldy.

2021 jylǵy 1 shildedegi jaǵdaı boıynsha zeınetkerler sany 2 mln 239 myń adamdy quraıdy.

2021 jylǵy maýsymda respýblıkalyq bıýdjetten zeınetaqyǵa 222,3 mlrd teńgeden astam, onyń ishinde bazalyq zeınetaqyny tóleýge – 68,2 mlrd teńge, yntymaqty zeınetaqyny tóleýge – 154,1 mlrd teńge baǵyttaldy.

Zeınetaqy tóleminiń ortasha mólsheri (onyń ishinde bazalyq zeınetaqy) 2021 jylǵy 1 shildedegi jaǵdaı boıynsha 99 898 teńgeni qurady.

Eske salaıyq, 2018 jylǵy 1 shildeden bastap memlekettik bazalyq zeınetaqy tólemi, onyń zeınetaqy júıesindegi tájirıbesin eskere otyryp, ár alýshyǵa jeke taǵaıyndalady.

Bul rette 1998 jylǵy 1 qańtardaǵy jaǵdaı boıynsha yntymaqty júıede jumys istegen ýaqyty, sondaı-aq mindetti zeınetaqy jarnalary tólengen kezeńder zeınetaqy júıesindegi eńbek ótiline qosylady.

Sonymen, eger zeınetaqy júıesindegi jumys ótili 10 jyl nemese odan az bolsa, sondaı-aq eger múlde joq bolsa, bazalyq zeınetaqy - eń tómengi kúnkóris deńgeıiniń 54%-y.

Odan keıin 10 jyldan asqan ár jyl úshin onyń mólsheri 2%-ǵa artady.

Mysaly, eger siz 20 jyl qatyssańyz, bazalyq zeınetaqy kúnkóris deńgeıi qunynyń 74%-yn, 30 jyl – kúnkóris qunynyń 94%-yn quraıdy.

33 jáne odan da kóp jyl jumys ótili bolsa, kúnkóris qunynyń 100% joǵary mólsherinde belgilenedi.

Eger bir aı ishinde MZJ birneshe ret Biryńǵaı jınaqtaýshy zeınetaqy qoryna jasalsa, jınaqtaýshy júıege qatysý merzimi bir aıdy quraıdy.

Osylaısha, mindetti zeınetaqy jarnalary neǵurlym turaqty jáne tolyq salynatyn bolsa, zeınetaqy jasyna jetkende bazalyq zeınetaqy tólemderiniń mólsheri soǵurlym kóp bolady.

Óz kezeginde jasyna baılanysty zeınetaqy tólemderiniń mólsheri 1998 jylǵy 1 qańtardaǵy jumys ótiline (kem degende 6 aı qajet) jáne zeınetkerlikke deıingi kezeńde alynǵan ortasha aılyq tabysqa baılanysty bolady.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT