Qazaqstanda zańsyz júrgen 322 shetel azamaty elden shyǵaryldy
2022 jylǵy 30 maýsym 13:43

Qazaqstanda zańsyz júrgen 322 shetel azamaty elden shyǵaryldy

NUR-SULTAN. QazAqparat - Sheteldikterdiń Qazaqstanda bolý erejelerin oryndaýdy qamtamasyz etý maqsatynda 27 maýsym men 4 shilde aralyǵynda el boıynsha «Nelegal-2022» jedel-aldyn alý is-sharasy ótip jatyr.

QR Іshki ister mınıstrligi taratqan derekterge qaraǵanda, polıtsııa shara sheteldikterdiń kóp turatyn jerlerine, qurylys nysandaryna, bazarlarǵa, uıymdardyń jáne sheteldikterdiń jaldamaly eńbegin zańsyz paıdalanatyn jumys berýshilerge tekserý júrgizedi, sondaı-aq avtokólik quraldaryn tekseredi.

Operatsııanyń eki kúninde kóshi-qon zańnamasynyń 3 762 ret buzylǵany anyqtaldy. Sondaı-aq sheteldikterdiń eńbek qyzmetin zańsyz júzege asyrdyń 1 239 jaǵdaıy anyqtalyp, 207 jumys berýshi sheteldikterdiń eńbegin ruqsatsyz paıdalanǵan. Al sheteldikterdiń kelýi týraly ishki ister organdaryn ýaqytyly habardar etpeý jáne elde bolý erejelerin buzý faktiler 1 509.

Sottardyń sheshimi boıynsha elden 322 shetel azamaty shyǵaryldy.


Uqsas jańalyqtar

Jańalyqtar

Úrdis

MURAǴAT